básico -ca

(< base + -ico)

adx
Que forma parte da base na que se sustenta unha cousa ou que constitúe a súa parte esencial.

Ex: O leite é un alimento básico para a vida.
Sinónimos: fundamental, imprescindible.
[QUÍM]
1. adx
  Relativo ou pertencente ás bases.
2. adx
  Solucións ou mesturas onde hai presente unha base libre e que, polo tanto, teñen en maior ou en menor grao as propiedades das bases.
3. adx
  Sales formados por neutralización parcial dun óxido ou dun hidróxido metálicos con ácidos.
4. reacción básica
  Propiedade das bases e das súas solucións consistente en facer cambiar a cor dos indicadores de xeito que a cor acadada coincida coa cor da forma básica.
adx [XEOL]
1. Minerais nos que a proporción de óxidos metálicos pasa do 50%.
2. Rochas ígneas nas que a proporción de sílice queda comprendida entre o 40 e o 50%. As rochas básicas máis importantes son os basaltos.
adx [LING]
Concepto derivado das aplicacións da teoría da información e da estatística na Lingüística e que alude ao conxunto de elementos fonolóxicos, morfosintácticos e semánticos dunha lingua que constitúen a base mínima imprescindible para falar e comprender unha lingua elementalmente. OBS: Para designar este concepto, o adxectivo básico sempre se utiliza acompañado do substantivo que fai referencia á lingua da que se está a falar.

Ex: galego básico, inglés básico, portugués básico, etc.

Palabras veciñas