beduniense

Relativo ou pertencente a Bedunia ou aos seus habitantes.

Individuo do pobo beduniense.

Pobo (populus) prerromano da Gallaecia, no convento asturicense, asociado á cidade de Bedunia por Ptolomeo na súa Xeografía. Ocupaban os vales dos ríos Esla e Órbigo entre La Bañeza e Valencia de Don Juan, ao norte de Benavente. Estas comunidades, dedicadas principalmente á agricultura e secundariamente á caza, pesca, gandería e minería, instaláronse nese territorio no transcurso da primeira inmigración de pobos centroeuropeos (900 a C) e perviviron ata a conquista romana. Semella que a súa organización política e social constituíu a base da organización territorial que logo imporía a administración do Imperio.