Belle de jour

Produción francesa realizada en 1966 e dirixida por Luis Buñuel. Foi interpretada por Catherine Deneuve, Jean Sorel, Michel Piccoli e Francisco Rabal. Unha muller de clase acomodada, ante o temor da frixidez, decide empregarse nun prostíbulo de día, e non consegue satisfacer o seu marido porque só se motiva polo masoquismo. Atopará o pracer nesa dobre vida, pero o seu matrimonio sofre as consecuencias. A sátira e o surrealismo mestúranse co tratamento do sexo e da sensualidade que analiza o seu director.