bencina

Conxunto de fraccións obtidas na destilación do petróleo. Son bencinas as diversas clases de gasolina, o petróleo de queimar, a ligroína, o éter de petróleo, etc. Ao mesmo tempo, distínguese entre bencinas lixeiras, ou de baixo punto de destilación, e bencinas pesadas, ou de punto medio de destilación. A bencina empregada como combustible variou a súa composición ao longo do tempo, tanto a causa de modificacións da natureza das materias primas como a causa dos cambios dos requirimentos técnicos dos motores.

gasolina.