Berrobambán

Compañía de teatro creada en 1995 en Santiago de Compostela por Chiqui Pereira Hernández, Iolanda Colmenero Veloso, Begoña Chouciño Tuset e María Paz Granja Fociños. Nos últimos tres anos escolleu e apostou por unha liña de produción orientada ao público infantil e xuvenil. Entre os seus espectáculos destacan Auto, a partir dun texto de Ernesto Caballero, estreado en 1996 con dirección de Artur Trillo; Ludovico petos (1997), a partir dun texto colectivo e dirección de Paula Carballeira ou Xuvenca e cochón (1998), sobre unha peza de Paula Carballeira con dirección de Miguel Vázquez Freire.