besta

1. s f

   Animal irracional, principalmente o empregado para a carga ou transporte.

   Ex: Na casa xa non usamos o carro porque non temos bestas.

2. s f

   Femia do cabalo.

   Ex: Vimos no monte varias bestas bravas cos seus poldros.

   Sinónimos: egua.
3. s f

   Persoa de poucos coñecementos e que valora excesivamente a forza bruta.

   Ex: É unha besta que rompe con todo o que sexa fráxil por tratalo sen xeito.

   Sinónimos: animal.

Frases feitas

• Andar enriba da besta. Atribuírse boas calidades.

• Primeiro a aldraba e despois a besta. Aplícase cando unha persoa actúa de xeito contrario ao debido ou ao esperado.

• Ter a vara e a besta. Ter o poder ou mando.

Refráns

• A be sta cargada a cincha mátaa.
• A besta non pregunta quen a monta.
• A besta preñada,¡cargala ata que para e,i despois de parida, cargala cada día.
• A mellor besta quere aguillón e a mellor muller quere varón.
• Ben sabe a be sta a quen leva e o demo a quen atenta.
• Besta alegre deitada apasta.
• Besta de arrieiro vai sempre en recua e nunca sabe o que leva.
• Besta de herba, besta de merda / perda.
• Besta mular, ou comer ou andar.
• Besta que anda por calquera chan, para min a quero, non para meu irmán.
• Besta que anda por mal camiño, quéroa para min e non para o meu veciño.
• Besta que non poidas manter, débela vender.
• Besta que xeme, a carga non teme.
• Bestas en pelo hainas en Monterroso.
• Deus fixo as bestas para descanso dos homes.
• Sinal é de boa besta a boa pata e a boa orella.