blástula

Fase de desenvolvemento embrionario comprendida entre o final do período de segmentación e o comezo da gastrulación. Nos animais con segmentación total, a blástula é un agregado celular esférico cunha cavidade interior, o blastocelo. Xusto cando o blastocelo acaba de formarse, fálase de blástula primaria ou blastocisto nos mamíferos. Antes de iniciarse a gastrulación, convértese en blástula secundaria.