Bolívar

Estado federado de Venezuela (238.000 km2, 1.122.975 h [estim 1995]). A capital é Ciudad Bolívar. Está ocupado na súa maior parte polo macizo oriental da Guyana. A cunca hidrográfica principal é a do río Orinoco e os seus afluentes (Caura e Caroni) e a do río Cuyuni. O clima é tropical. A economía está baseada principalmente na minería: manganeso e, sobre todo, ferro procedende de Cerro Bolívar e El Paso. As terras do interior están poboadas por diversos grupos amerindios. As cidades máis importantes son Puerto Ordaz e Ciudad Bolívar.