Bosco, Giovanni

san (Castelnuovo don Bosco, Becchi, Piemonte 1815 - Turín 1888) Eclesiástico e pedagogo, coñecido como Don Bosco. En 1841 iniciou a tarefa pastoral entre os nenos. En 1859 fundou a futura congregación salesiana. En 1886 visitou Barcelona, e recibiu unha doazón de terreos no Tibidabo, onde se erixiu unha pequena ermida. Escribiu ao redor de 150 obras de divulgación, principalmente histórica, didáctica e apoloxética. Como pedagogo foi partidario do sistema preventivo, da participación completa do mestre na vida dos alumnos e da educación postescolar; deu moita importancia á formación para o traballo (talleres nas escolas, escolas profesionais, etc) e humanizou a disciplina escolar. Foi o primeiro que enviou os eclesiásticos ás universidades do estado. Canonizado no 1934, a Igrexa Católica celebra a súa festa o 31 de xaneiro. É patrón dos editores (1936) e dos aprendices (1958).