Brenda

Prenome de orixe anglosaxona. Probablemente ten a mesma raíz que Brandán, de feito en Irlanda considérase como a súa forma feminina. Este antropónimo parece proceder das Shetland, pero hai estudiosos que consideran que Brenda é a forma feminina do nórdico Brand, nome común en Islandia e que se pode equiparar co noso Xián. Posiblemente, este nome chegou a nós a través do inglés, onde foi usual ata o s XII. A súa festa celébrase o mesmo día que san Brandán: o 16 de maio.