¹ calado -da

1. p reg

   de calar.

2. adx

   Que está en silencio, sen dicir nada.

   Ex: Díxenlle catro verdades e deixeino calado.

3. adx

   Que é reservado e pouco falador.

   Ex: Non fixo amizade cos compañeiros porque é moi calada.

4. adx

   Que non revela os segredos que se lle contan.

   Ex: É unha persoa calada e non creo que conte nada do que pasou.

5. adx

   Que non fai ruído.

   Ex: Na tarde calada só se oía o murmurio das abellas.

Frases feitas

• Calado como un morcón/peto. Moi calado.