Caldas

Departamento de Colombia (7.888 Km²; 925.358 h [1997]). A capital é Manizales (358.194 h [estim 1997]). Situado no val do Cauca, caracterízase pola súa variedade xeomorfolóxica, presentando cinco rexións naturais ben diferenciadas: o val da Magdalena, con zonas selváticas, a vertente oriental da Cordillera Central, a Cordillera Central, co gran macizo volcánico, o val do Cauca e a Cordillera Occidental. A súa economía baséase na agricultura, como primeiro produtor de café do país, na gandería (gando vacún, porcino e ovino) e na explotación dos seus recursos minerais (carbón e petróleo principalmente). No sector industrial destaca, sobre todo, o calzado, a madeira, o sector téxtil e o coiro.