capuchino -na

(< ital cappuccino)

[RELIX]
1. adx
  Relativo ou pertencente aos capuchinos ou á súa orde.
2. s
  Membro dunha das diversas ordes inspiradas na regra dos franciscanos, que foi reformada por Matteo di Bassi ou da Bascio (1495-1552), freire menor observante.
3. s f
  Orde inspirada na regra dos franciscanos que propugnaba o retorno ao primitivo espírito franciscano de pobreza integral e liberdade de prédica. Foi aprobada por Clemente VII en 1528, aínda que estivo baixo a xurisdición dos freires menores observantes ata 1619. A orde recibe o nome oficial de Ordo Fratum Minorum S. Francisci Cappucinorum e ten 16.000 relixiosos, repartidos en 60 provincias. O seu nome provén da indumentaria que adoptaron, un saial de cor parda, semellante ao dos franciscanos, aínda que rematado nunha capucha máis bicuda ca a deles.
s m [ANIMAL]
Mamífero primate das dimensións dun gato, co pelame de cor castaña e cos bordos da cara e do pescozo brancos. Viven en grupos nos bosques de América do Sur, desde Nicaragua ata o norte de Arxentina.
s m [XOGO]
Xogada de billar na que a bóla, ao tocar a dúas bandas en puntos moi próximos ao seu lugar de encontro, pasa polo centro da mesa.
adx e s m [ALIM]
café.

Palabras veciñas