carcinoma
(< lat científicocarcinōma ‘tumor’ < grκαρκίνοωμα ‘cancro’)
-
s
m
[PAT]
Tumor epitelial maligno con tendencia a infiltrar os tecidos lindeiros e a producir metástases por vía linfática ou sanguínea. Pode afectar a calquera órgano do corpo. Se as células epiteliais onde se orixina forman glándulas, recibe o nome de adenocarcinoma.
-
carcinoma basocelular
[PAT]
Tumor epitelial relativamente pouco maligno aínda que, segundo as estatísticas, é o cancro de pel máis frecuente (o 75%). Forma un nódulo cutáneo que pode ulcerarse, pero sen producir metástase. É propio das persoas de idade avanzada.
-
carcinoma embrionario
[PAT]
Teratoma maligno.
-
carcinoma espinocelular
[PAT]
Tumor maligno da pel que presenta diferenciación escamosa e adoita producir queratina. Deriva con frecuencia de ceratoses actínicas ou solares, forma nódulos cutáneos e pode producir metástases.
-
carcinoma in situ
[PAT]
Tumor maligno do tecido epitelial que non sobrepasa os límites da membrana basal. A escisión cirúrxica comporta a curación definitiva.