Carnot, teorema de

Teorema da termodinámica que establece que o rendemento R dun motor térmico, que intercambia calor con dúas fontes de calor a diferentes temperaturas, é máximo se o traballo se produce seguindo un proceso reversible (como, por exemplo, un ciclo de Carnot). Neste caso, é independente das substancias que experimentan este proceso e só depende das temperaturas das dúas fontes: R=1-(T2/T1).