carroza

Coche de cerimonia de catro rodas, tirado por cabalos e con suspensión sobre resortes, que ten diante da caixa un asento elevado para o cocheiro e, ás veces, un relanzo detrás para os lacaios. Desde a primeira metade do s XVI Italia converteuse no centro de fabricación de carrozas, e o seu uso estendeuse lentamente entre as cortes e a alta nobreza de Europa. A época de máis esplendor corresponde ao período rococó, na segunda metade do s XVIII.

Carruaxe engalanada con motivos reais ou fantásticos, xeralmente utilizada en desfiles festivos.

Carcasa de ferro ou madeira que sostén unha lona que se emprega para protexer da intemperie algunha parte da embarcación. OBS: Emprégase particularmente para referirse á cámara das góndolas.

Persoa que está anticuada no seu xeito de pensar ou de vestir.