Centauro

Constelación austral ao N da Cruz e ao L da Vela. Ten 270 estrelas perceptibles a simple vista, dúas delas de primeira magnitude: α-Centauri (sistema binario, acompañado dun terceiro elemento, denominado Próxima do Centauro, que é a estrela máis achegada ao Sol) e β-Centauri. O corpo chamado Omega Centauri é un cúmulo de estrelas, o máis próximo ao Sol, que contén unha importante fonte de radioondas.