Cereixo

ou río da Briña Río afluente do Miño pola dereita. Nace na vertente oriental da serra da Groba, no límite entre as parroquias de Pinzás e Barrantes, do concello de Tomiño. O seu curso adopta en principio unha dirección O-L, coa que drena as parroquias de Tebra e Vilameán. No límite entre esta última e a de San Salvador de Tebra vira cara ao S e prosegue polos límites das parroquias de Taborda, Tomiño, Amorín e Forcadela; desemboca entre as dúas últimas, preto do lugar da Aldea (Forcada), logo dun percorrido duns 10 km.