"BH" (Contén)

LOCALIDADES

Localidade do estado de Madhya Pradesh, India, onde hai un stupa edificado en tempos de Asoka (250 a C) e con algunhas adicións posteriores. Os baixorrelevos, cunha influencia artesá persa, presentan símbolos budistas como a roda, as árbores e o loto, así como ilustracións das historias de Jātaka e escenas da vida de Buda. Nestas últimas emprega o método narrativo continuado, de moita importancia para o estudo da historia do Budismo.

CIDADES

Cidade do estado de Gujarāt, na India, situada no esteiro do río Narbada (110.070 h [1981]). Antigamente era chamada Barygaza. O seu porto, por onde pasaba case todo o comercio co mundo clásico, foi un dous máis importantes da India.

PERSOEIRO

Matemático e astrónomo indio, chamado tamén Ācārya ‘o sabio’. Un dos máis xeniais matemáticos indios que introduciu, á parte doutros traballos matemáticos e astronómicos, o concepto de infinito en Matemáticas. O seu libro máis famoso é o Siddhānta-śiromani (Fin do sistema, 1150), dividido en dúas partes sobre Matemáticas e dúas sobre Astronomía.

CIDADES

Cidade do estado de Punxab, na India (159.144 h [1991]).

PERSOEIRO

Asceta, sociólogo e líder carismático indio. Seguidor do Mahātmā Gandhi dende o 1916. No 1951 fundou o movemento Bhudān Yājnā, non gobernamental e de concepción paternalista, para repartir terras aos campesiños pobres. No 1957 o movemento evolucionou cara a outro, nomeado Grāmdān, de liñas cooperativistas, adoptado por milleiros de vilas.

CIDADES

Cidade do estado de Gujarāt, na India (400.636 h [1991]). Situada no golfo de Khambhāt, é o principal porto da península de Kāthiāwār, centro exportador principalmente de cacahuetes e de algodón. Fundada no 1723, converteuse na capital do principado homónimo.

1. Relativo ou pertencente aos bhils.

2. Individuo da tribo bhil.

3. Tribo aborixe da India occidental, espallada en diversos grupos dende as terras altas de Ajmer (Rājasthān), ao N, ata o distrito de Thāna (Mahārāshtra), ao S e, cara ao L ata preto de Indaor (Madhya Pradesh). Os bhils (4.000.000 de individuos, aproximadamente) representan racialmente unha variante de pel clara do tipo veddid. A súa organización familiar amosa a influencia do sistema de castes hindús. A súa lingua maioritaria é o bhili.

CIDADES

Cidade do estado de Madhya Pradesh, na India central (389.601 h [1991]).

1. Relativo ou pertencente ao bhili.

2. Nome de diversas falas do grupo índico occidental usadas maioritariamente polos bhils. Son principalmente variantes dialécticas do gujarāti.

CIDADES

Cidade do estado de Rājasthān, na India (183.791 h [1991]).

XACEMENTOS

Xacemento arqueolóxico da India, ao S de Allahabad. É unha cidade fortificada da Idade do Ferro, coa típica cerámica negra vernizada, de onde xurdiron uns selos co nome de Vichhi e Vichigrama.

CIDADES

Cidade do estado de Mahārāstra, India, ao NL de Bombai (378.546 h [1991]).

CIDADES

Cidade do estado de Haryāna, no Punxab, provincia de Delhi, situada ao NL do Gran Deserto Indio (101.277 h [estim 1981]). Exportacións de azucre, especias e sal.

CAPITAIS

Capital do estado de Madhya Pradesh, India (1.062.771 h [1991]). Foi primitivamente cabeza dun principado gondo; no 1723 pasou á soberanía afgana, que mantivo o poder durante douscentos anos. Trala independencia de India e Paquistán (1947), Bhopāl permaneceu como unha unidade separada ata o 1949, cando pasou á India. No ano 1984, unha fuga de gas tóxico das instalacións da compañía estadounidense Union Carbide provocou máis de 2.500 mortos.

1. Relativo ou pertencente aos bothias.

2. Individuo do pobo bhotia.

3. Pobo de orixe tibetana que habita no Himalaya, principalmente no Bhutan e, con menos extensión, nas rexións do Tibet, do Sikkim e do Nepal. Falan diversas linguas do grupo tibetano e son de relixión budista.