"CIG" (Contén)

Conxunto de mosaicos atopados na Cigarrosa no lugar que ocupou o asentamento romano Calubriga dos Guigurros. O primeiro mosaico apareceu en 1896 durante as escavacións dirixidas por Marcelo Macías. Trátase dun recinto rectangular cuberto con escenas nas que se mesturan os motivos mariños e vexetais coas formas xeométricas: moluscos, axadrezados, ourizos, etc. Sobre fondo branco predominan as cores azuis, vermellas, amarelas, rosas e grises. No segundo mosaico, descuberto en 1969, represéntanse, só en parte, unha escena mariña sobre fondo branco. O acceso a ambos os dous mosaicos realizábase por medio dunha escalinata.

Construción de enxeñería romana que serviu para atravesar o río Sil entre a Rúa e Petín, no lugar onde se supón que estivo a mansión Forum Cigarrorum, na vía 18 do Itinerario Antonino. Da orixinaria ponte romana, que chegou a acadar 6,5 m de ancho, só restan os alicerces directamente fincados sobre as rochas. Durante a Idade Media debeu sufrir algunha reconstrución, xa que este itinerario volveu ter importancia para o paso dos peregrinos que se dirixían ao santuario da Virxe das Ermidas ou ben querían enlazar coa Ruta da Prata ou co Camiño Francés. En 1575 foi reconstruída polo mestre canteiro Juan de Nobeda que posiblemente lle deu o aspecto actual, con cinco arcos.

Partícula hipotética, anunciada en 1988, electricamente neutra e estable, que produciría gran cantidade de muóns polas súas interaccións na atmosfera. Cunha masa mil veces menor ca a do electrón, propúxose para explicar as características dos raios cósmicos que chegan na dirección da fonte de raios X Cisne X-3.

Elemento de orixe grega que se emprega nos procesos de creación de palabras co significado de ‘unión’. Ex: cigospora, cigomorfo.

Que ten o segundo dedo e o terceiro de cada pata dirixidos cara a adiante e o primeiro e o cuarto cara a atrás.

Ludovico Cardi.

Relativo ou pertencente ao pómulo.

Aplícase a calquera órgano, parte de órgano ou organismo que ten simetría bilateral, isto é, nun só plano de simetría.

Unión sexual de dous organismos unicelulares.

Nos cigomicetos, conxunto de cigotos que resultan da unión de dous cenogametos.

Termo dos cesteiros de Mondariz e do barallete, xerga dos afiadores e paraugueiros, que corresponde ás voces ‘puta’ e ‘sota (da baralla)’.

Segundo período da profase da primeira división meiótica, no que as forzas atractivas fan que os cromosomas homólogos se emparellen con precisión.

Célula con dobre dotación cromosómica formada pola fusión dun gameto feminino cun gameto masculino antes de comezar a segmentación. No ciclo reprodutor dos seres vivos, o estadio de cigoto é dunha importancia vital porque nel ten lugar a unión da dotación hereditaria dos dous proxenitores. É un estadio de pouca duración xa que rapidamente empeza a diferenciación para constituír o embrión.

Torre con chanzos que ten forma dunha pirámide truncada á que se accede por medio de rampas e que acolle un templo no último piso ou terraza. É un elemento característico da arquitectura mesopotámica; a bíblica torre de Babel puido adoptar esta estrutura. Destacan as ruínas do cigurat de Ur.

guigurro.