"Campi" (Contén)

PUBLICACIÓNS

Publicación de carácter agrícola subtitulada “Órgano de las Hermandades de labradores y ganaderos”. Apareceu na Coruña no ano 1945 e cesou despois de 1948.

CIDADES

Cidade do estado de Paraíba, Brasil (351.606 h [1995]). Fundada en 1773 co nome de Princesa do Oeste, converteuse a mediados do s XIX nun dos principais centros produtores de café do Brasil. A partir do desenvolvemento económico logrado, consolidou unha industria que a sitúa como a maior cidade industrial do interior nordeste do Brasil. Posúe un centro de ensino superior, a Universidade Regional do Nordeste, fundada en 1966.

1. Actividade turística que consiste en permanecer temporalmente ao aire libre en tendas de campaña ou caravanas. Pode practicarse en campo aberto ou en recintos especialmente preparados e dotados de servicios.

2. Recinto que ofrece instalacións apropiadas para acampar, tales como servicios sanitarios, supermercado, restaurante, etc.

3. Aparato portátil, usado normalmente nas acampadas, formado por unha bombona pequena de gas á que se lle encaixa un queimador. Dependendo dos accesorios que se lle engadan, pode empregarse para cociñar ou para emitir luz.

1. Aplícase ao terreo que deixou de ser cultivado.

2. Lugar no monte onde nace a herba espontaneamente.

GALICIA

Escritor. Licenciado en Filoloxía Hispánica, exerceu como profesor de segundo ensino. Fundou as revistas Aula I e Tagore, de orientación pedagóxica, e colaborou en Escuela Española. Publicou poesía e crítica literaria en revistas e xornais como Alcazaba, Trevo, Dorna, Cadernos do Támega, La Región ou El Universal. Membro do Grupo Dolmen, é autor do poemario O ar que nos leva (1987), da novela Baixo o sol do Magreb (1993) e dos volumes colectivos Sete poemas ourensáns (1992) e Poesía dos aléns (1993). Recibiu os premios Biblioteca Endesa (1977), Festa da luz (1980), Modesto R. Figueiredo de narrativa (1988) e Nadal (1992).

1. Que ou quen consegue a vitoria nunha competición, especialmente de tipo deportivo.

2. Cabaleiro que combatía en campo pechado ou que participaba nun torneo ou nun desafío para defender a honra ou a causa doutro.

3. Persoa que defende ou sostén unha causa ou un determinado ideal.

PERSOEIRO

Lexicógrafo, historiador e escritor. Publicou a serie Euskariana, de carácter histórico, lingüístico e literario, e unha Gramática de los cuatro dialectos literarios de la lengua euskera (1884). Ademais escribiu dúas novelas tituladas Blancos y negros (1898) e La bella Easo (1909).

PERSOEIRO

Xesuíta. Educado en Oxford, en 1573 converteuse ao catolicismo e ingresou na Compañía de Xesús en Roma. Enviado como misioneiro a Inglaterra con Robert Parsons (1580), á súa chegada foi detido e executado como traidor. Foi beatificado pola Igrexa Católica en 1886.

PERSOEIRO

Realizadora cinematográfica e antropóloga neozelandesa. Filmou diversas curtametraxes en Australia antes de coñecer o éxito internacional con obras como Sweetie (Rapaza, 1988), An Angel on my table (Un anxo á miña mesa, 1990), The Piano (O piano, 1992, Palma de Ouro en Cannes e Oscar á mellor dirección en 1993) e The Portrait of a Lady (Retrato dunha dama, 1996).

PERSOEIRO

Compositor e poeta. Destacou pola composición de textos líricos que el mesmo musicou e que apareceron nos catro Books of Ayres (1601-1617). É tamén autor do tratado Observations on the Art of English Poesie (Observacións sobre a arte da poesía inglesa, 1602) e dun tratado de contrapunto datado entre 1613 e 1614.

1. Conxunto de probas organizadas nun xogo ou deporte de acordo cunha determinada regulamentación e cunha periodicidade convencional, nas que varios equipos ou participantes se disputan o título de campión.

2. Superioridade conseguida nas probas dun campionato.