"Hof" (Contén)

CIDADES

Cidade do land de Baviera, Alemaña, situada á beira do río Saale (52.800 h [1990]). É un centro industrial e comercial da Franconia Superior.

PERSOEIRO

Pintor alemán. Residiu en Roma, onde pintou Dúas mulleres (1907), e en París, interesado por Cézanne, realizou unha adaptación dos Xogadores de cartas (1924).

PERSOEIRO

Físico e químico holandés. En 1874 demostrou, independentemente dos traballos de Le Bel, a orientación en forma de tetraedro dos enlaces do átomo de carbono; isto axudou a explicar o fenómeno da isomería óptica. En 1877 publicou os seus estudios sobre termodinámica química. En 1884 desenvolveu os principios de cinética química e formulou a ecuación que leva o seu nome. Demostrou que en solucións diluídas a presión osmótica varía coa temperatura e a concentración. Das súas obras destaca Estudios de dinámica química (1884). En 1901 recibiu o Premio Nobel de Química polo seu traballo sobre estereoquímica.

PERSOEIRO

Actor cinematográfico estadounidense. A partir de The Graduate (1967), continuou unha carreira moi regular, que se consolidou co seu Oscar por Kramer versus Kramer (1979). Outras películas destacadas nas que participou son Midnight Cowboy (1969), Little Big Man (1970), Lenny (1974), Tootsie (1983), Rain Man (1988), pola que recibiu un Oscar ao mellor actor, e Hero (1992).

PERSOEIRO

Escritor e compositor alemán. Como compositor estreou singspiele, titulados Die Lustige Musikenten (Os músicos divertidos, 1805) e Undine (1816), unha das primeiras óperas románticas. Como escritor destacou con Der goldene Topf (A pota de ouro, 1812) e Nussknacker und Mäusekönig (Crebanoces e o rei dos ratos, 1816).

PERSOEIRO

Arquitecto. Foi un dos fundadores da Wiener Werkstätte (1903) e un dos precursores sa arquitectura funcional. Defensor da simplicidade xeométrica, creou a Quadratel-Hoffmann, fórmula decorativa que alterna cadrados e rectángulos brancos e negros. Decorou o vestíbulo do palacio da Sezession en Viena (1902) e fixo o sanatorio de Purkersdorf (1903) e o palacio Stoclet de Bruxelas (1905).

PERSOEIRO

Químico estadounidense de orixe polaca. Estudiou nas universidades de Columbia e Harvard, doutorándose nesta última en 1962. É profesor de física da Universidade de Cornell desde 1974 e escribiu o libro Conservación da simetría orbital, publicado en 1969. En 1981 recibiu o Premio Nobel de Química, xunto con K. Fukui, polos seus traballos baseados na teoría das perturbacións dos orbitais moleculares, e polo desenvolvemento de análises da simetría dos orbitais moleculares, que regulan o curso das reaccións químicas (regras de Woodward e Hoffmann).

PERSOEIRO

Poeta e autor dramático. Vinculado aos círculos artísticos de Viena e defensor da dimensión estética da creación artística, na súa obra déixase sentir a influencia de Nietzsche ou Wagner, pero tamén a de Strauss, músico co que colaborou en proxectos como O cabaleiro da Rosa, Ariadna en Nasos ou A muller sen sombra, e destacou como un grande autor de libretos. Na súa produción atopamos traxedias clásicas como Electra (1901), Edipo e a esfinxe (1902) ou Edipo rei (1903) e adaptacións de clásicos universais como A Torre, inspirada no drama barroco e en Calderón de la Barca, coa que obtivo un éxito notable en 1925. Fascinado polas teorías de Freud, tamén escribiu textos cunha visión máis decadente e simbolista, en ocasións próxima a un misticismo romántico, das que destacan Der Tod des Tizian (A morte de Tiziano, 1892), Der Tor und der Tod (O tolo e a morte, 1893), Die Fran in Fenster (A muller na fiestra,...

PERSOEIRO

Químico alemán. Illou a anilina do alcatrán, determinou as substitucións sobre o anel bencénico, investigou no campo dos alcaloides e fixou a estrutura dos colorantes do trifenilmetano.

PERSOEIRO

Botánico alemán. Descubriu a alternancia de xeracións en liques e fentos e descubriu o desenvolvemento embrionario das fanerógamas. Unificou tamén a concepción da reprodución de vexetais e estableceu as bases dunha clasificación filoxenética ao facer patentes as relacións entre liques, fentos, ximnospermas e anxiospermas.

PERSOEIRO

Físico. Investigou a dispersión elástica dos electróns nun medio atómico, no caso das altas enerxías, e a determinación da estrutura interna do electrón. En 1961 concedéuselle, xunto con R. Mössbauer, o Premio Nobel de Física polos seus estudios sobre a estrutura interna de protóns e neutróns. Tamén contribuíu á construción dun observatorio espacial de raios gamma.

PERSOEIRO

Actriz cinematográfica estadounidense. Coñecida como Doris Day, comezou a súa carreira cantando en distintas orquestras ata que conseguiu un contrato cos estudios Warner para facer varios musicais. Da súa filmografía destacan as películas Romance on the High Seas (1948), Love Me or Leave Me (1955), The Man Who Knew Too Much (1956), Lover Come Back (1961) ou Do Not Disturb (1965).