"PS" (Contén)

1. Individuo da orde dos ambliopsiformes.

2. Orde de peixes da clase dos osteitios integrado por individuos moi semellantes aos da orde dos ciprinodontiformes, pequenos, de boca grande e non protráctil e o ano situado baixo a gorxa, diante das aletas pectorais; a maioría son despigmentados e teñen os ollos atrofiados. Son cavernícolas e viven na parte central dos EE UU. A orde consta dunha soa familia, a dos ambliópsidos.

1. Que pertence á clase dos anápsidos.

2. Réptil da subclase dos anápsidos.

3. Subclase de réptiles caracterizados pola ausencia de fosas temporais. Comprende os quelónidos e dúas ordes extinguidas: cotilosauros e mesosauros.

1. Sílaba que, segundo as necesidades métricas, funciona como longa ou como breve. Denomínase tamén syllaba communis.

2. Lugar do verso no que pode aparecer unha sílaba longa ou unha breve.

1. Que actúa contra a sarna.

2. Medicamento para combater a sarna.

1. Revelación dos acontecementos da fin do mundo presente na tradición relixiosa xudeu-cristiá. O mito da apocalipse, que culmina coa Gloria de Deus, é propio da mentalidade do pobo xudeu, que debido ao seu carácter nómada vivía na espera do seu establecemento final na Terra Prometida. Así, se os padecementos individuais sufridos durante a vida terrea serían recompensados coa permanencia despois da morte a carón de Deus, os da humanidade toda rematarán despois da Apocalipse. Os textos que configuran a literatura apocalíptica teñen, xa que logo, un carácter consolador, contrastando o feito do advenimento do mal co triunfo final da Gloria de Deus e a Salvación. Nunha linguaxe simbólica e escura, fálase de revelacións divinas e acontecementos que han suceder nun futuro afastado. Fundamentalmente é unha visión optimista da historia: o futuro será mellor porque a vitoria será de Deus, do ben fronte do mal, e porque se establecerá un mundo mellor e definitivo. A literatura apocalíptica...

2. Estado catastrófico, tremendamente problemático, ou de moi difícil resolución.

PENÍNSULAS

Península da República de Acerbaixán, que se interna no mar Caspio. É a prolongación do Gran Cáucaso, e ten un relevo de costas baixas e areosas, xunto cun núcleo central onde se atopan numerosas explotacións de petróleo e gas natural. O principal núcleo de poboación é Bakú.

1. Apoastro ou periastro dunha órbita, como por exemplo, cada un dos extremos do eixe maior da órbita elíptica que un planeta describe ao xirar arredor do Sol.

2. Liña que une o apoastro e o periastro dunha órbita. No caso dun planeta que xira arredor do Sol, o eixe maior da órbita elíptica.