"Suárez" (Contén)

PERSOEIRO

Politicólogo. Doutor en Dereito (1982) e catedrático de Ciencias Políticas e da Administración (1993).   Colaborou en Grial, A Trabe de Ouro e   Journal of Political Ideologies. Das súas obras destacan O rexionalismo galego, organización e ideoloxía: (1886-1907) (1982), Alfredo Brañas: el ideario del regionalismo católico-tradicionalista (1983), O Nacionalismo Galego: organización e ideoloxía (1897-1904) (1984), As Institucións políticas no Estatuto de Autonomía para Galicia (1988), A idea de nación (1996) e O pensamento político de Murguía (1999). En colaboración con R. L. Blanco Valdés e X. A. Portero Molina publicou Las elecciones en Galicia: El Parlamento Gallego (1982);  con Vilas Nogueira, Caamaño Domínguez e Rivera Otero O sistema político de Galicia: I. As Institucións (1994); e con E. Guitián e A. Arteta Teoría política (2003). Recibiu o Premio Galicia de Investigación en...

PERSOEIRO

Relixioso. Exerceu como notario ata que ingresou no mosteiro de Santa Luaría de Oseira, onde se ordenou sacerdote en 1955. Escribiu Vida de San Bernardo (1964).

GALICIA

Deportista. Foi director de arbitraxe e organización da Federación Galega de Judo e presidente da comisión xestora da Federación Galega de Taekwondo. Foi campión galego de taekwondo, subcampión de España e medalla de bronce no Campionato Internacional Open USA. Publicou Iniciación ao taekwondo (2001).

GALICIA

Arquitecto. Alcalde do concello de Oleiros (1979-1983), foi membro do consello de redacción da revista Obradoiro e membro da xunta de goberno do Colexio Oficial de Arquitectos de Galicia (COAG). Da súa obra destacan As galerías da Mariña. A Coruña: 1869-1884 (1987), Catálogo de arquitectura: A Coruña, 1890-1940 (1989) e A praza de María Pita: 1859-1959 (1993). Recibiu o I Premio COAG de Arquitectura, na modalidade de vivenda unifamiliar.

PERSOEIRO

Historiador e ensaísta. Doutor en Filosofía e Letras e licenciado en Dereito. Foi catedrático de Historia en Sevilla (1930-1935) e en Madrid (desde 1935), deputado a Cortes pola CEDA (1935-1936) por Sevilla e director da Real Academia de la Historia. Escribiu obras históricas e prestoulle especial atención aos temas políticos, como La revolución portuguesa (1941-1944).

PERSOEIRO

Escritor. Doutor en Literatura Inglesa pola University of Edimburg e en Literatura Española e Hispanoamericana pola Universidad de Salamanca, pertence ao grupo literario Crack, xunto a Jorge Volpi. Na súa obra pretende loitar contra a mala imitación do realismo máxico e a vulgarización da literatura hispanoamericana. É autor de Subterráneos (1990), La catedral de los ahogados (1994, Premio Juan Rulfo), Amphitryon (2000, Premio Primavera de Novela), Las tormentas del mar embotellado (2000, Premio Nacional de Literatura Infantil de México) e Las antípodas y el siglo (2001).

PERSOEIRO

Cantante e compositor. Coñecido como Juan Pardo, iniciouse na música como membro de Los Vándalos e dos primeiros Pekenikes. Fundou Los Brincos, unha das bandas españolas de música lixeira de máis éxito e calidade. Posteriormente separouse e creou, xunto con Antonio Morales, o dúo Juan y Junior, para despois continuar a súa carreira en solitario. Da súa produción destacan Año nuevo (1995), Alma gallega (1997) e Gallo de pelea (1998), e en galego Galicia miña nai dos dous mares (1989), composto case todo por poemas de Cabanillas, e Lúa chea (2003).

GALICIA

Empresario e político. A súa actividade empresarial centrouse no sector conserveiro pois creou unha fábrica de conservas en Portugal e estivo vinculado á Unión de Fabricantes de Conservas. En Vigo foi xefe local de Falange Española durante a Guerra Civil e o primeiro delegado do Estado da Zona Franca en 1947. Presidiu a Caixa de Aforros Municipal de Vigo e foi alcalde da cidade (1964-1970). Foi procurador en Cortes pola provincia de Pontevedra, en representación dos municipios (1965-1967) e das familias (1967-1971), e foi deputado por Coalición Democrática (1979-1982) e por Alianza Popular (1982).

GALICIA

Escritor e profesor. Licenciado en Filosofía e Letras, fundou e coordinou as revistas Anduriña e Seitura, e creou a colección Vieiros de Galicia. Escribiu Antoloxía de contos populares de Galicia (1993), Dicionario conceptual galego (1997) e Cancioneiro popular do Fisterra galego: 2500 cantarelas comentadas e clasificadas por temas (2000).

PERSOEIRO

Médico e político. Licenciado en Medicina pola Universidade de Santiago de Compostela (1944), foi alcalde de Petín (1953-1956). Cofundador de Acción Política Orensana, que se integrou en UCD, presidiu a cooperativa vinícola Nuestra Señora de las Viñas (1972-1975). Foi senador electo por Ourense (1977-1986) e, durante a etapa preautonómica, conselleiro de Sanidade e Traballo e presidente da Xunta Preautonómica de Galicia (1979-1982). Foi deputado no Parlamento galego por UCD (1981-1985). Recibiu a Medalla de Cabaleiro da Orde da Constitución e a Cruz de Venezuela de Fernández Miranda.

GALICIA

Xornalista. Correspondente de RNE en Santiago de Compostela (1967-1983), traballou en Radio Cadena Española e, a partir de 1985, na RG, onde foi coordinador dos reporteiros e da área de emigración da emisora (1987). Creou os programas “Galicia no Mundo”, “Galicia para o Mundo”, emitido a 40 emisoras de Europa, América e Australia e, a partir de 1990, “Un día de Radio (Premio Álvaro Cunqueiro, 1999). Publicou Percorrido gastronómico por Galicia (1997), en colaboración con Xesús Busto, e recibiu o Premio de Xornalismo de Galicia (1988), o Premio á Galeguidade no Mundo (1989) e a Medalla de Galicia (2004).

1. Apelido de orixe patronímica que procede do nome persoal Suero + o sufixo patronímico -ez (‘fillo de Suero’).

2. Liñaxe que en Galicia trae por armas, en campo de prata, dúas torres de pedra sumada cada unha dunha aguia de sable. Outro trae, en campo de goles, un castelo de ouro. Outro, en campo de prata, unha cruz flordelisada de goles cantonada de dúas caldeiras de sable nos cantóns destro do xefe e sinistro da punta e dous crecentes de azul tornados, un no cantón sinistro do xefe e outro no destro da punta.

GALICIA

Escritor. Licenciado en Psicoloxía e profesor de ensino secundario, colaborou en diversas publicacións. Escribiu Turbo (1988, Premio Blanco Amor), Álvaro Pino (1989), Sabor a ti (1991), Selva negra (1994), Co dedo nos beizos (1992) e O repenique de Beatriz Goldar (2002, Premio Novela por Entregas de La Voz de Galicia). Recibiu en diversas ocasións o Premio Modesto Rodríguez Figueiredo por narracións como “Quiquiriquí” ou “A Alemana” (1987), e en 2000 o Premio Nacional de Periodismo Julio Camba.

GALICIA

Político. Licenciado en Matemáticas e profesor de ensino secundario, formou parte da organización estudantil ERGA e participou na creación da Intersindical Nacional de Traballadores Galegos (INTG), durante a etapa na que formou parte da dirección do sindicato de traballadores do ensino (UTEG). Militou na AN-PG e desde 1972 na UPG, participando na fundación do BNG en 1982. Foi concelleiro de Allariz (1979-1983) e deputado provincial en diversas ocasións. En 2005 foi nomeado conselleiro de Medio Rural.

GALICIA

Fotógrafo. Licenciado en Filosofía e Letras e Filoloxía Francesa, foi catedrático de Francés. Director, xunto con M. Sendón, do Centro de Estudios Fotográficos (CEF) de Vigo (1984), é profesor de Ciencias da Información da Universidade de Santiago desde 1994. Fixo mostras individuais e colectivas e traballou na recuperación da fotografía histórica galega (Xosé Suárez, Arquivo Pacheco, Irmáns Sarabia ou José Mª Massó). Director das coleccións do CEF Album (1989) e Do Trinque (2000), coordinou as exposicións da Sala dos Peiraos, a Casa das Artes e a Fotobienal de Vigo. Publicou Allariz (1991), O Viño (1993), O mundo invisíbel (1993) e foi coautor de Desde o Atlántico (1988).

GALICIA

Pintor. Formouse na Escuela de Artes e Industrias de Madrid. Colaborou como ilustrador en diversas publicacións e libros, como Ribadeo antiguo (1931) de F. Lanza, e foi un dos creadores de Orientaciones e Ronsel. Como debuxante, as súas ilustracións caracterizáronse polo trazo fino das liñas, próximas ao expresionismo, e desde 1927 foron máis idealistas. Cultivou a paisaxe, mariñeira ou rural pero non urbana, ben de xeito illado ou formando parte dunha escena. As súas obras presentan contrastes entre zonas iluminadas e outras máis escuras. Os lenzos de comezos da década de 1930 amosan unha influencia cubista. Destacan Escena mariñeira, A renda, O crego, Caseta de tiro (1927-1930), Xogadores de xadrez (1927-1930), Tarde apracible (1954), Xogos de luz con chuvascos nas Rías Altas (1965) e Anciáns do asilo (1967).

GALICIA

Nobre. Membro da liñaxe dos Deza, en 1318 encabezou a rebelión contra o arcebispo compostelán Berenguel de Landoira. Morreu no castelo da Rocha Forte, durante o cerco do arcebispo á cidade.

PERSOEIRO

Cronista. Procedente de familia de conquistadores, foi un dos primeiros escritores crioulos. Escribiu Tratado de la caballería de Jineta y Brida (1580), el Libro de albeitería e o Tratado del descubrimiento de las Indias (1578).