"Vera" (Contén)

PERSOEIRO

Xurista ilustrado. Logo de estudar gramática no colexio dos xesuítas de Santiago de Compostela, doutorouse en Cánones e foi catedrático de Prima. Escribiu un tratado de dereito titulado Collectio setentiarum. Libri primi. Decretalium juxta ordinem capitulorum digesta (1778).

PERSOEIRO

Militar e político. Foi ministro de Mariña en 1892. Cando se desencadenou o conflito cos EE UU en 1898 estivo ao mando da escuadra do Atlántico, que foi derrotada pola flota comandada polo almirante Sampson. Ao seu regreso, ocupou a capitanía xeneral de Ferrol (1906). En 1899 publicou unha Colección de documentos referentes a la escuadra de operaciones en las Antillas.

PERSOEIRO

Dirixente obreiro e xornalista. Fundou con Pi i Margall en Madrid en 1846 a Escuela del Trabajador e o xornal El Trabajador (1851), destinado a fomentar a creación de sociedades obreiras. En 1849 participou na fundación do partido demócrata, no que militou na facción socialista. Editou, con Fernando Garrido, La Hoja de las Barricadas e fundou o diario La Voz del Pueblo (1855). Na clandestinidade animou, xunto con Ceferí Tresserres, a sociedade secreta El Falansterio.

PERSOEIRO

Realizadora cinematográfica checa. Da súa produción destacan, entre outras películas, O necem jiném (Dúas vidas), Sedmikrásky (As margaridas, 1966), Hra o jablko (O xogo da mazá, 1975), Kopytem Sem, Kopytem Tam (Un golpe por aquí, un golpe por alí, 1988) e Deditvi aneb kurva hosi guten tag (A herdanza, 1993).

PERSOEIRO

Biólogo. Profesor titular da Universidade de Vigo dende 1992. Dedicouse principalmente á bioloxía e á ecoloxía dos insectos, especialmente das libélulas en Galicia. Entre os seus traballos destacan os relacionados coa selección sexual e a competencia espermática. Tamén traballou no control biolóxico dos gurgullos do eucalipto (Gonipterus scutellatus), mediante o uso de parasitos. En relación con esta última actividade, en 1997 recibiu o Premio de Investigación da Real Academia Galega de Ciencias polo traballo “El gorgojo del eucalipto (Gonipterus scutellatus) en Galicia: Biología y métodos de control”. Investigou, ademais, o millo co fin de obter variedades a partir de xermoplasma autóctono e de avaliar a súa resistencia fronte ás pragas. Entre os seus estudios destacan “Density-dependent mating sucess and colour polymorphism in females of the damselfly Ischnura graellsii” (1992) e “Sperm transfer, displacement and precedence in Ischnura graellsii” (1992).

MUNICIPIOS

Municipio do Principado de Asturias, situado entre Avilés e Gijón (16.502 h [1996]). Na súa economía destaca a industria siderúrxica (ENSIDESA), así como a agricultura (patacas, cereais e árbores froiteiras). A gandería vacúa permite desenvolver unha pequena industria láctea. Do seu patrimonio cultural destaca a igrexa de Santa María de Solís e o palacio de Peñalver.

MUNICIPIOS

Municipio da Comunidad Autónoma de Cantabria drenado polo río Pas (2.192 h [1996]). A súa economía baséase sobre todo na gandería bovina, vacúa e nas industrias lácteas. Na agricultura destacan os cultivos de cereais, millo e patacas. Do seu patrimonio cultural cómpre salientar o conxunto histórico de Alceda.

GALICIA

Pintor. Doutor en Belas Artes, estudiou na Escola de Belles Arts de Sant Carles de València e na facultade de Belas Artes de Pontevedra. Dende 1987 exerceu como profesor de debuxo de ensino medio. A súa obra caracterízase pola utilización de soportes materiais, como a fotografía, a colaxe e o gravado. A súa proposta conceptual recorre á iconografía de obxectos cotiáns tratados cun colorido sobrio sobre fondos neutros. Se ben predominan os aspectos plásticos, as súas obras amosan unha preocupación social e política. Realizou escenografías teatrais e ilustracións de libros, entre eles Práctica teatral na escola (1992). Acadou o I Premio Arte Xove Galega (Vigo, 1988) e foi finalista no Certame Eixo Atlántico (1997).

PERSOEIRO

Revolucionaria rusa. Afiliada ao populismo e posteriormente ao socialismo revolucionario, foi fundadora da asociación terrorista Zeml’a i Svoboda (Terra e Liberdade). Participou nos atentados contra o Tsar Alexandre II e estivo presa entre 1884 e 1904. Escribiu Memories of a Revolutionist (1927).

MUNICIPIOS

Municipio da provincia de Almería, Andalucía, situado no val do Almanzora (14.850 h [2001]). Posúe actividade agrícola, cunha crecente implantación do regadío e da gandería. Destacan as minas de chumbo e prata. Do seu patrimonio cultural destacan a igrexa de Nuestra Señora de la Asunción e o castelo de Santa Bárbara, declarado Ben de Interese Cultural en 1993.

PERSOEIRO

Autor de cómics. A súa obra caracterízase polo dinamismo e a violencia da narración, o sentido da comicidade baseado na brutalidade física e na fantasía que caracterizan os personaxes, pola planificación a base de gags sucesivos e polo debuxo caricaturesco moi simple. Entre os seus cómics destacan Mortadelo y Filemón, La familia Trapisonda, 13, Rue del percebe, El botones Sacarino, Rompetechos e Pepe Gotera y Otilio. Recibiu a Medalla de Ouro ao Mérito nas Belas Artes (2001).

GALICIA

Pintor e debuxante. Estudiou na Escola de Artes e Oficios Artísticos. Realizou os retratos dos presidentes de diversas asociacións, murais e decorou a sede da ONCE na Coruña. A súa obra atópase, entre outras coleccións, na Real Academia Galega e na Deputación da Coruña.