"Bo" (Contén)

PERSOEIRO

Astrónomo, hidrógrafo e matemático. Foi profesor de Hidrografía no Havre (1730) e astrónomo da Académie des Sciences. No 1735 marchou a Perú con Louis Godin e Charles Marie de La Condamine, como director dunha expedición para medir un arco de meridiano. Considérase o creador da Fotometría, e é o inventor do heliómetro.

PERSOEIRO

Pintor academicista francés. Obtivo en 1850 o Premio de Roma e pasou catro anos en Italia. Foi entusiasta de Rafael e contrario ás tendencias modernas. Foi un gran retratista.

PERSOEIRO

Escritor francés, máis coñecido polo pseudónimo de Saint-Georges de Bouhélier. Cultivou o ensaio, a poesía e sobre todo o teatro, coa súa obra O entroido dos nenos (1910). Escribiu tamén unha serie dramática de carácter histórico.

PERSOEIRO

Poeta francés influído polo Parnasianismo. Publicou Mélaenis (1815) e obras teatrais.

PERSOEIRO

Médico francés. Foi profesor na facultade de Medicina de París, da que foi decano no ano 1848. É o precursor da obra de Broca no estudo das afasias por lesión cerebral (1825). É tamén autor de traballos moi importantes acerca das afeccións reumáticas do endocardio.

FAMILIAS

Familia de prateiros que traballou en Santiago. Xoán Boullier (s XVIII), de orixe francesa instalouse en Santiago de Compostela na parroquia da Corticela. Coñécenselle poucas obras: unhas pedras para a esclavina do Santo Apóstolo e un anel para a mesma imaxe. O seu fillo, Xosé Boullier (Santiago de Compostela 1712 - Trascárcel 1792) traballou para a catedral compostelá. Realizou tres imaxes de Santiago en ouro e dúas urnas de prata para as reliquias de santa Amancia e santa Amalia (1779). A súa sona trascendeu fóra de Santiago e foi reclamado para facer a fábrica e estrutura da imaxe de san Pedro G. Telmo, en Tui. Foi tamén gravador. O seu irmán Manuel Boullier (s XVIII) continuou coa tradición familiar. Para a catedral de Santiago de Compostela realizou varias estatuas de Santiago de ouro, encargadas polo cabido para distintas personalidades (1788-1797). Traballou unicamente en Santiago, debido sobre todo a que estes traballos de...

PERSOEIRO

Químico. Membro da Académie de Médecine e profesor da École Supérieure de Pharmacie, é o autor de Cours de chimie analytique (Curso de química analítica, 1871) e de Traité élémentaire de chimie légale (Tratado elemental de química legal, 1873).

PERSOEIRO

Historiador francés e conde de Boulainvilliers. Moitas da súas obras foron impresas despois da súa morte. É o autor de État de la France (Estado de Francia, 1727) e Essai sur la noblesse de France (Ensaio sobre a nobreza de Francia, 1732), onde defendeu o feudalismo e a orixe xermánica da aristocracia francesa.

PERSOEIRO

Xeneral e político francés. Estudiou na escola militar de Saint-Cyr, participou na defensa de París contra os prusianos (1870), entrou na Asemblea Nacional coa promesa de reformar a Constitución de 1875 e, apoiado por Clemenceau, foi ministro de Guerra (1886-1887). Debido ao seu progama democratizador, aínda que con propostas pouco concretas, gañou a simpatía de todos os descontentos do goberno radical (republicanos, nacionalistas, obreiros e soldados). Os seus seguidores formaron o Comité Republicano Nacional, que venceu nas eleccións parciais de 1888-1889; sen embargo, a Boulanger faltoulle decisión para marchar sobre o Eliseo e tomar as rendas do país malia o apoio das clases populares, os soldados e a policia. O goberno aproveitou esa indecisión para anular as eleccións e acusar de complot contra o estado a Boulanger, quen fuxiu a Bruxelas.

PERSOEIRO

Compositora. Realizou estudios musicais no Conservatorio de París e foi discípula da súa irmá Nadia. Gañou o Gran Premio de Roma (1913). Compuxo poemas sinfónicos e cancións.

PERSOEIRO

Compositora, profesora de composición musical e directora. Realizou estudios musicais no Conservatorio de París. Foi profesora de gran parte dos compositores máis destacados do s XX. Dende 1921 exerceu a docencia no Conservatoire Américain de Fontainebleau.

CIDADES

Cidade do estado de Colorado, EE UU, nos contrafortes do Front Range (83.312 h [1990]). É un núcleo mineiro, con xacementos de ouro, prata, carbón e tamén centro de ensino superior, sede da University of Colorado, fundada en 1861.