"Est" (Contén)

Empresa suíza, pioneira no sector das industrias alimentarias, con domicilio en Vevey. Formada como consecuencia da fusión en 1905 da Anglo Swiss, Condensed Milk Co (fundada en 1868) e a Henry Nestlé SA (fundada o mesmo ano), tomou a denominación actual en 1977. Dedicada inicialmente á produción de leite condensado e fariñas lácteas, ampliou a súa actividade coa compra doutras empresas do mesmo sector: Peter Cailler-Chocolates Suisses (1929), Maggi (1947), Findus Internacional (1962, alimentos conxelados), Libby (1970, zumes de froita), Buitoni-Perugina (1988, pastas), Source Perrier (1992, auga embotellada) e doutros como Alcon Laboratoires (produtos farmacéuticos) e l’Oréal (produtos cosméticos). Comercializa tamén alimentos infantís e xeados. En 1905 instalouse a primeira fábrica en España, en La Penilla (Cantabria). Conta cunha planta en Pontecesures.

Antropónimo masculino que ten a súa orixe no nome persoal grego Néstor (Νέστωρ), probablemente forma abreviada de Eunéstor ‘o que regresa felizmente’, composto de eu ‘ben’ e nóstos ‘regreso, retorno’. A súa festividade celébrase o 26 de febreiro (o de Panfilia), o 4 de marzo (o do Quersoneso) e o 27 de outubro (o gladiador e mailo de Kiev).

Asteroide número 659 do catálogo. É de magnitude 16,3 e pertence ao grupo dos troianos.

Personaxe da mitoloxía grega, rei de Pilos e fillo de Neleo e Cloris. Escapou á matanza dos seus once irmáns, levada a cabo por Heracles. Na Ilíada aparece como un ancián que destaca sempre pola súa prudencia no falar.

(? - 250) Mártir. Foi bispo en Panfilia (actual Turquía) e morreu crucificado durante a persecución de Decio. A súa festividade celébrase o 26 de febreiro.

(Quersoneso, actual Crimea? - ?) Mártir. Morreu xunto con outros 8 mártires. A súa festividade celébrase o 4 de marzo.

Doutrina teolóxica que sostén que hai dúas persoas, divina e humana, encarnadas no Verbo. Tomou o seu nome do patriarca de Constantinopla Nestorio, que por defender a verdadeira divindade e humanidade de Xesús Cristo, rexeitou o termo theotokos (Virxe), aplicado a María, porque confundía ambas as dúas realidades. Á parte deste rexeitamento, a teoloxía de Nestorio afirmou a unidade de Xesús Cristo, e denunciou a fórmula de san Cirilo de Alexandría, ‘unión apostática’, como portadora de monofisismo. As motivacións políticas converteron o nestorianismo en herexía total. O Papa Celestino I, no Concilio de Roma de 430, condenouno, e o Emperador Teodosio II convocou o Concilio de Éfeso (431), que confirmou a condena romana.

Forma contracta que agrupa a preposición en + o demostrativo outro(s), outra(s).

Técnica de anestesia combinada que, ademais do neuroléptico e o analxésico como na neuroleptoanalxesia, emprega un anestésico xeral que pode ser o protóxido de nitróxeno ou calquera outro hipnótico.

Clasificación establecida pola Oficina de Estatística das Comunidades Europeas (1972) para dispoñer dun esquema único e coherente de clasificación territorial para a elaboración das estatísticas rexionais comunitarias co fin de harmonizar a recompilación, transmisión e publicación das estatísticas nacionais e comunitarias. É unha clasificación en tres niveis, en que os dous primeiros recollen a estrutura administrativa dos estados membros, e o terceiro, que é un nivel adicional, para delimitar territorios comparables economicamente. Desde 1998 utilízase na lexislación comunitaria dos Fondos Estruturais.