"COU" (Contén)

GALICIA

Guerrilleira antifranquista. Campesiña, serviu de enlace da guerrilla e integrouse nela trala morte de Xosé Vázquez Ubaldo (novembro de 1947), guerrilleiro ao que ela e outros campesiños da zona axudaran en varias ocasións. Desenvolveu a súa actividade no ámbito de actuación da IIIª Agrupación Guerrilleira (Lugo). A finais do mes de xuño de 1949, na compaña doutros membros do destacamento Segundo Vilaboy, nun refuxio situado ao pé da serra do Xistral, foron cercados pola Garda Civil que os abateu a tiros e incendiou a choza. Alí morreron Xosefa e mais Xosé Pedreira.

GALICIA

Escultor. Formouse na Escola Provincial de Artes e Oficios da Coruña, onde foi profesor de debuxo e modelado (1958-1975). Cara a 1945, recibiu unha bolsa da Deputación da Coruña para continuar os seus estudios na Escuela Superior de Bellas Artes de San Fernando de Madrid, onde permaneceu cinco anos. Cultivou unha escultura realista e obras para decorar espacios públicos. Dende 1960 pertenceu á Real Academia de Bellas Artes Nuestra Señora del Rosario.

MONTES

Monte da serra do Larouco que serve de límite entre as parroquias de Baltar e Vilamaior da Boullosa (Baltar). O seu cumio acada os 1.398 m de altitude.

GALICIA

Avogado e profesor. Licenciouse en Filosofía e Letras pola Universidad de Valladolid, e en Políticas e Económicas, pola de Madrid. Doutorouse en Dereito na Universidade de Santiago de Compostela co estudo “La legislación de los sínodos diocesanos de Orense en los siglos XV y XVI, sobre los sacramentos del Bautismo, Penitencia, Eucaristía y Matrimonio”. Foi funcionario do Corpo Técnico da Administración do Estado e do Corpo Técnico do Instituto Nacional de Previsión de Pontevedra, ademais de profesor de ensino medio en Ferrol, Pontevedra e Ourense, e maxistrado de traballo en Pontevedra. En 1934 ingresou no Seminario de Estudos Galegos. É autor de numerosos traballos de investigación, como “Notas sobre motivos ornamentales visigóticos: El ladrillo con relieves”, “Los normandos en Galicia” ou “El Monasterio de Montederramo: estudo histótico-artístico”. Escribiu O libro da heráldica galega (2000).

GALICIA

Militar e escritor. Exerceu o xornalismo en España e Nova York e foi cofundador de El Honor. Da súa produción destaca Cuestiones de Méjico, Venezuela y América en general (1861), Historia del combate naval de Trafalgar, precedida de la del renacimiento de la Marina española durante el siglo XVIII (1851), Reincorporación de Santo Domingo a España (1861) e Los negros en sus diversos estados y condiciones (1864).

GALICIA

Filósofo, teólogo e cóengo. Ingresou en 1924 no Seminario Conciliar de Santiago de Compostela e acadou dous anos máis tarde unha bolsa para estudar na Universidad Pontificia de Comillas, onde se doutorou en Filosofía e se licenciou en Teoloxía. En 1941 ordenouse presbítero en Comillas e converteuse en profesor do Seminario Conciliar de Santiago. Durante o curso 1958-1959 foi bolseiro en Roma, onde se integrou no grupo de investigadores Monserrat. Os seus estudios centráronse nas relacións entre a fe, a teoloxía e a filosofía. Da súas obras destacan “El virtual revelado” (1956), “La figura de Amor Ruibal” (1956), “La analogía y la relatividad en el ser natural y sobrenatural” (1960), “La Iglesia y la evolución de la cultura” (1967) e “Fórmulas dogmáticas e sistemas filosóficos” (1971).

GALICIA

Antropólogo, arqueólogo, arquiveiro, historiador e profesor. Ingresou no Seminario Conciliar de Santiago de Compostela en 1918, onde se doutorou en 1930, e licenciouse en 1931 en Filosofía e Letras na Universidade de Santiago de Compostela. No inicio da década dos trinta, exerceu a docencia nos colexios vigueses Apóstol Santiago e Lábor, e no Instituto de Ensino Medio de Tui, onde fundou a revista TVDE. En 1930 ingresou no Seminario de Estudos Galegos, cun traballo sobre a Batalla de Cabo Sicié e en 1931 no Partido Galeguista, polo que participou como presidente da primeira mesa na terceira Asemblea das Mocidades Galeguistas. Durante a Guerra Civil (1936-1939) integrouse nas Milicias Populares Galegas e no Sindicato Único de la Enseñanza, adscrito á CNT, converténdose desde 1938 no secretario da delegación de Instrución Pública de Madrid e a zona S. Sometido a expediente de depuración entre 1939 e 1940, ingresou en xuño de 1941 no Corpo Facultativo de Arquiveiros, Bibliotecarios...

PERSOEIRO

Emperador latino titular de Constantinopla (1273-1283), fillo e herdeiro do Emperador Balduíno II. Non puido recuperar Constantinopla da ocupación grega e residiu durante todo o seu reinado na corte de Carlos I de Nápoles.

PERSOEIRO

Colonizador francés. Enviado a Madagascar en 1648, escribiu Histoire de la grande isle de Madagascar (Historia da gran illa de Madagascar, 1653) e Ditionnaire de la langue parlée à Madagascar (Dicionario da lingua que se fala en Madagascar, 1658).

1. Relativo ou pertencente ás flacourtiáceas.

2. Leñosa da familia das flacourtiáceas.

3. Familia de árbores ou arbustos, da orde das violais, de follas dispostas de xeito alterno e con estípulas caducas; flores hermafroditas, actinomorfas, coa corola formada por numerosos pétalos libres, androceo de moitos estames e xineceo de 2 a 10 carpelos; e con froitos en cápsula ou baga. Existen unhas 800 especies orixinarias das rexións tropicais. Os principais xéneros son Pangium e Taraktogenos.

PARROQUIA

Parroquia baixo a advocación de santa María que dá nome ao concello de Folgoso do Courel.

GALICIA

Concello da comarca de Quiroga,situado na provincia de Lugo no extremo oriental da Comunidade Autónoma de Galicia. Limita ao N cos concellos de Pedrafita do Cebreiro (comarca de Ancares) e Samos (comarca de Sarria), ao L cos de Barjas e Oencia (O Bierzo), ao S co de Quiroga e ao O cos de Samos e A Pobra do Brollón (Terra de Lemos). Abrangue unha superficie de 192,8 km 2 cunha poboación de 1.284 h (2007) distribuídos nas parroquias de Esperante, Folgoso do Courel, Hórreos, Meirao, Noceda, Seceda, Seoane do Courel, Vilamor e Visuña. A capital municipal é a vila de Folgoso do Courel, situada a 42° 35’ de latitude N e 7° 11’ de lonxitude O, 100 km ao SL de Lugo e 178 ao L de Santiago de Compostela. Está adscrito ao partido xudicial de Monforte de Lemos e á provincia e diocese de Lugo.
Xeografía física
O concello de Folgoso do Courel sitúase baixo o dominio climático oceánico de montaña, aínda que cabe distinguir unha clara matización entre a zona máis...

PERSOEIRO

Pedagogo e aristócrata francés. Introduciu a educación física nas escolas como método para a formación integral do individuo. Afeccionado á práctica deportiva, foi o impulsor, en 1894, do movemento olímpico moderno. Presidiu o Comité Olímpico Internacional entre 1896 e 1925. Durante o seu mandato celebráronse as primeiras edicións dos Xogos Olímpicos da Era Moderna.

PERSOEIRO

Historiador. Foi un dos primeiros historiadores que estudiou o pasado como unha sucesión lóxica dos feitos. Entre as súas obras destacan La cité antique (1864) e Histoire des institutions de l’ancienne France (1875-1892).

PERSOEIRO

Novelista, ensaísta e crítico da arte francés. Dedicouse á literatura e á arte xunto co seu irmán Jules Goncourt (París 1830 - 1870). Estudiaron a historia do s XVIII, entre outras obras, en Histoire de la société française pendant la révolution (1851) e Portraits intimes du XVIII siècle (1857). Precursores do naturalismo, en 1860 iniciáronse na novela con Charles Demailly, seguida de Soeur Philomène (1861) e doutras ata que, ao morrer Jules, o seu irmán continuou con Fille Elisa (1877), Les frères Zemgano (1878) e Chérie (1884). Cultivaron tamén o teatro e dedicáronse á crítica e ao estudo das artes plásticas. En El Journal des Gouncourt (1856-1859) recóllense ensaios, noticias e impresións literarias e artísticas que comezaron a escribir o 2 de decembro de 1851; morto Jules, fundou a Acadèmie Goncourt.

GALICIA

Futbolista. Acudiu coa selección española ao Campionato Mundial para menores de 20 anos que se disputou en Nixeria en 1999 e no que se proclamou campión e máximo goleador. Co Celta debutou na Primeira División da liga española e nas competicións europeas de clubs na tempada 2000-2001, e proclamouse campión da Copa Intertoto de 2000 e subcampión da Copa do Rei. Na tempada 2001-2002 fichou polo Ipswich Town, co que participou na Premier League inglesa.

ENCORO

Encoro no río Columbia, no estado de Washington, EE UU. Rematouse de construír en 1942, e é un dos máis importantes do país en produción de enerxía eléctrica.

PERSOEIRO

Militar e diplomático francés, marqués e duque de Harcourt e mariscal e par de Francia. Embaixador francés na corte española en 1698, foi o artífice da redacción do último testamento de Carlos II o Enfeitizado, en que se recoñecía como herdeiro a Filipe de Anjou.