"AND" (Contén)

PERSOEIRO

Político timorense. Presidente da Frente Revolucionária do Timor Leste Independente (FRETILIN) desde 1978, foi capturado polo exército indonesio en 1992 e condenado a cadea perpetua, pena que lle foi rebaixada a raíz das protestas internacionais, ata que foi definitivamente excarcerado en 1999. Tralo referendo que supuxo o triunfo das forzas independentistas, foi elixido presidente da República de Timor Leste nas eleccións de 2001. Nos anos de prisión escribiu o poemario Mauberiadas (Premio Nacional de poesía de Timor, 1975) e o ensaio Timor Leste: un Povo, uma Patria (1994). Posúe o Premio Sajarov á Liberdade de Conciencia do Parlamento Europeo (1999).

GALICIA

Político. Profesor na Escola de Capacitación Agraria de Ribadeo, foi alcalde desta localidade entre 1987-1995. Foi elixido deputado por Lugo no Parlamento de Galicia polo BNG na V e VI lexislaturas.

REXIÓNS

Rexión meridional de Luxemburgo, no macizo das Ardenas (1.758 km2). Atravesada polo río Alzette, ao SL hai un sector un pouco montañoso aberto sobre o gran val do Mosela, que limita con Alemaña. Posúe cultivos intensivos hortofrutícolas, florais e de viticultura.

CIDADES

Cidade de Acerbaixán, situada á beira do río G’andžčaj, afluente do Kura (282.200 h [1991]). Segundo centro industrial e cultural do país, despois de Bakú. Ten unha industria téxtil moi desenvolvida, con fábricas de aparatos de precisión, de aluminio e de porcelana. Fundada no s VI, estivo baixo dominio persa desde o s XVII ata a conquista rusa (1804), cando pasou a denominarse Elisabetspol. Trala Revolución Rusa recuperou o seu primitivo nome, pero en 1935 este cambiouse por Kirovabad en memoria de S. M. Kirov. Dende 1991 volveu ser coñecida por Gyandzha. Do seu patrimonio cultural destacan os restos da tumba do poeta Nizami (s XII) e a mesquita de Abbas (s XVII).

PERSOEIRO

Físico holandés. Destacou no campo da física de baixas temperaturas (crioxenia), e fixo estudios da supercondutividade e sobre o magnetismo. En 1947 acadou a temperatura de 0,002 K mediante a desimantación de sales paramagnéticos.

PERSOEIRO

Militar e político estadounidense. Foi conselleiro militar da presidencia de EE UU (1973-1974), comandante en xefe da OTAN (1974-1979) e secretario de estado (1980-1982).

PERSOEIRO

Xenetista e bioquímico inglés. Foi profesor de fisioloxía da Royal Institution e de bioquímica e xenética na Universidade de Londres. Traballou na aplicación da análise matemática aos fenómenos xenéticos e así poder determinar as taxas de cambio xenético en poboacións humanas, fixo unha aproximación matemática ao proceso de selección natural e nos métodos de medida da unión dos xenes; tamén traballou sobre a hemofilia e daltonismo para poder determinar a taxa de mutacións no home. Entre as súas obras podemos destacar As causas da evolución (1933), Novos camiños en xenética (1941) e A bioquímica e a xenética (1954).

PERSOEIRO

Lingüista estadounidense. Discípulo de L. Bloomfield, dedicouse ao estudo das linguas e da lingüística xeral e á filoloxía románica. Destacan os seus estudios Bibliography of Italian Linguistics (1941), Descriptive Italian Grammar (1948), Short History of Italian Literature (1951), Manuel of Applied Linguistics: Italian (1960), Pidgin and Creole Languages (1965), An Essay on Language (1968) e La struttura dell´italiano (1971).

REXIÓNS

Rexión do N de Suecia. É montañosa e está cuberta de bosques. A industria principal é a derivada da madeira.

PERSOEIRO

Político estadounidense. Secretario de George Washington co que participou na Guerra de Independencia. Colaborou na creación do Federalist Party e foi ministro de Facenda (1790-1795). Escribiu The Federalist (1789) e Report on Manufactures (1791).

CONDADOS

Condado metropolitano do Gran Londres, Inglaterra, Reino Unido (156.718 h [1996]). Basicamente residencial, xurdiu en 1965 da fusión dos distritos metropolitanos de Fulham e Hammersmith.

PERSOEIRO

Autor dramático. A súa obra é de corte vangardista e experimental, centrada na análise da linguaxe como instrumento de comunicación e dominación e no tratamento de temas como a soidade, a incomunicación ou a angustia vital. Entre as súas pezas podemos destacar Profecía (1966), Gaspar (1968), Os insensatos (1973), O xogo das preguntas (1900) ou Xustiza para Serbia (1996).

PERSOEIRO

Compositor alemán. En 1703 foi a Hamburgo, onde actuou como violinista e clavecinista no teatro. Despois trasladouse a Italia e alí relacionouse con Lotti, os Scarlatti, Corelli e Pasquine. Foi mestre de capela da corte de Hannover. Durante unha estadía en Londres estreou Rinaldo (1711), Il Pastor Fido (1712) e Te Deum. Cando o elector de Hannover se converteu en Xurxo I de Inglaterra (1714), Händel continuou ao seu servicio. Posteriormente dedicouse á oratoria con Athalia (1753), Israel in Egypt (1739) e Saul (1739); en 1742 estreou en Dublín a obra máis célebre de todas, Messiah. A esta seguíronlle Aamson (1743), Belshazzar (1745), Judas Maccabaeus (1747), Joshua (1748), Solomon (1749) e Jephtha (1752). Nas décadas de 1730 e 1740, escribiu os orixinais concertos para órgano e as dúas series de concerti grossi; en 1749 consolidou a súa vinculación a Inglaterra con...

1. Desvantaxe imposta, nunha proba deportiva, a un competidor que se supón superior aos demais, para igualar as posibilidades de gañar de todos.

2. Calquera circunstancia que causa unha desvantaxe nunha competición deportiva a un dos seus competidores.

3. Circunstancia ou feito desfavorable.

PERSOEIRO

Escritor austríaco. Entre as súas obras destacan as novelas Die Hornissen (As avespas, 1966), Kaspar (1968), Die Angst der Tormanns beim Elfmeter (O medo do porteiro ao penalti, 1970), Falsche Beweung (Falso movemento, 1975), Die linkshändige Frau (A muller zurda, 1976), levada ao cine e dirixida por el en 1977, Das Gewicht der Welt (O peso do mundo, 1977), Die Lehdre der Sainte-Victorie (A lección de santa Victoria, 1980), Die Abwesenheit (A ausencia, 1987), Nachmigtag eines Schriftstellers (A tarde dun escritor, 1987), Mein Jahr in der Niemandsbucht (O ano que pasei na baía de ninguén, 1999), ademais de ensaio e teatro.

PERSOEIRO

Compositor esloveno. Empregou a miúdo o nome latinizado Jacobus Gallus, compuxo misas e moitos motetes. As súas obras son unha síntese de escritura contrapuntística dos franco-flamengos coa escola policoral veneciana.

PERSOEIRO

Científico estadounidense. Licenciouse en Ciencias no Instituto de Tecnoloxía de California e doutorouse no Instituto de Tecnoloxía de Massachusetts. Traballou no Salk Institute for Biological Studies, foi profesor de xenética na Universidade de Washington e presidente e director do Centro de Investigacións Oncolóxicas Fred Hutchinson de Seattle. O seu traballo investigador baseouse fundamentalmente no estudo da célula, e concretamente, da división celular, feito que lle permitiu identificar moitos xenes que interveñen neste proceso. Recibiu o Premio Nobel de Fisioloxía e Medicina (2001), xunto con Paul M. Nurse e Timothy Hunt, polas súas investigacións sobre o ciclo celular.

CIDADES

Cidade do condado de Hampshire, Inglaterra (116.300 h [estim 1989]). Situada ao NL de Portsmouth, é un centro agrícola e industrial.