"NOT" (Contén)

1. Relativo ou pertencente aos oxinótidos.

2. Peixe da familia dos oxinótidos.

3. Familia de peixes condritios, da orde dos pleurotremados, que presentan o corpo de cor gris, de sección triangular, cun espiño na aleta dorsal inclinado cara a adiante, un espiráculo de forma oval e as aletas dorsais triangulares. Nas costas galegas pódese atopar o peixe porco (Oxynotus centrina). OBS: A grafía <x> representa o son [ks].

PERSOEIRO

Físico e inventor italiano. Estudou en Florencia e foi profesor nas universidades de Boloña (1864), Caller (1873) e Pisa (1882). Estudou a produción de correntes eléctricas e en 1859 ideou unha máquina de corrente continua provista dun inducido anular (ideado independentemente tamén por Z. T. Gramme), coñecido como o anel de Pacinotti ou anel de Gramme.

MONTES

Monte pertencente á serra de Carba, situado entre as parroquias de Irixoa (Muras) e Lousada (Xermade). O seu cumio acada os 876 m de altitude.

PERSOEIRO

Eclesiástico e político francés, fillo de Nicolas Perrenot de Granvelle. Bispo de Arrás (1540), contribuíu á negociación da Paz de Augsburgo entre o Emperador Carlos V e os príncipes protestantes (1555). Estivo ao servizo de Filipe II e interveu nas conferencias de Marcoing e de Cercamps (1558), que prepararon o Tratado de Cateau-Cambrésis. Foi nomeado arcebispo de Malinas en 1560.

PERSOEIRO

Diplomático e político francés. Doutorouse en Dereito en Dole e entrou no consello privado do Emperador Carlos V en 1524. Conseguiu o favor do chanceler Mercurino A. Gattinara, e á súa morte en 1530 converteuse en primeiro conselleiro de estado do emperador. Interveu nos coloquios de Ratisbona e Worms (1539).

PERSOEIRO

Pintor grego, fillo e discípulo de Aglaofonte o Vello e irmán de Aristofonte. Non se conserva nada da súa obra, pero sábese que en Atenas traballou no templo dos Dióscuros, no Teseion, no Pórtico e na Pinacoteca dos Propileos da Acrópole e, en Delfos, representou a Caída de Troia e a Nekyia ou Descenso aos Infernos.