"Rus" (Contén)

Xénero de mamíferos, da familia dos félidos, que presentan un pelame de cor grisáceo con liñas pardas e manchas negras de pequeno tamaño. A única especie coñecida deste xénero é O. jacobitus, que ten unha cola longa e peluda con 6-9 aneis anchos e de cor escura. Habita no altiplano andino, no S de Perú e Bolivia e no N de Arxentina e Chile.

Xénero de cans fósiles, da familia dos cánidos, que presentaban dentes cónicos e robustos. Eran escavadores e alimentábanse de prea. Viviron durante o Mioceno tardío e extinguíronse durante o Plistoceno.

Xénero de mamíferos artiodáctilos, da familia dos cérvidos, que presentan as hastas delgadas e longas, ramificadas cara a atrás e os ollos rodeados dunha franxa branca. Distribúense por América do Sur, habitualmente en espazos abertos. Comprenden unha única especie, Ozotocerus bezoarticus.

Xénero de peixes, da familia dos espáridos, ao que pertence o prago (P. pagrus).

Xénero de crustáceos, da familia dos pagúridos, ao que pertencen algúns cangrexos ermitáns, como P. bernhardus, de ata 10 cm, a cuncha de cor entre gris e vermella, e a pata dereita do primeiro par de maior tamaño; e P. prideauxi, de ata 6 cm, a cuncha de cor parda e a pata dereita do primeiro par lixeiramente maior ca a esquerda.

Xénero de plantas, da familia das ramnáceas, que está formado por árbores ou arbustos que presentan follas alternas, espiñas estipulares e flores amarelas. Destaca a especie P. spina-christi, un arbusto espiñoso de ata 4 m de altura, propio de rexións áridas do Mediterráneo.

Xénero de aves paseriformes, da familia dos timálidos, ao que pertence a especie P. biarmicus (rabilongo das canaveiras).

Grupo de virus constituídos por unha dobre cadea de ADN e unha cápside núa, de simetría icosaédrica, con 72 capsómeros; a maioría destes virus poden causar tumores cando están dentro de hóspedes vertebrados.

Partido político fundado por Lenin en 1898 e que en 1918 tomou o nome de Partido Comunista da Unión Soviética.

Organización política rusa que xurdiu en 1901 da fusión dos grupos populistas moi influídos polo anarquismo e polo revisionismo. Defendía a colectivización da terra no marco do mir (‘comunidade campesiña tradicional’) e o acto terrorista individual. Participou, con Aleksandr F. Kerenskij, no goberno provisional formado en marzo de 1917. Co triunfo da Revolución de Outubro, o PSR escindiuse: a á dereita, cos menxeviques, abandonou o congreso dos soviets, mentres que a á esquerda apoiou, temporalmente, os bolxeviques.

Xénero de aves paseriformes, da familia dos páridos, que presentan as ás curtas, a cabeza de pequeno tamaño e a plumaxe de cor gris, branca e negra. En Galicia este xénero está representado polos ferreiriños.

Manifestación escatolóxica de Xesús Cristo como Señor na súa segunda vinda, e a conseguinte instauración definitiva do Reino de Deus na fin da historia.

(Moscova 1672 - Peterburgo 1725) Tsar de Rusia (1682-1725), fillo menor de Aleixo I de Rusia e sucesor de Teodoro III de Rusia. Interesado en occidentalizar Rusia, reorganizou a administración territorial e creou un senado de nove membros en 1711, que, xunto cos nove colexios ou consellos ministeriais, foi o órgano supremo de goberno. Pero estas reformas non conseguiron unha transformación da arcaica estrutura socioeconómica do país. A adquisición dunha ampla fachada ao Báltico custoulle 21 anos de guerra contra Suecia (Guerra Nórdica), no curso da que derrotou a Carlos XII de Suecia en Poltava (1709), pero na que perdeu o mar de Azov, a saída ao Mar Negro. Deu nome á cidade de Peterburgo (1703), a onde trasladou a capitalidade, ata entón en Moscova, en 1713.

Xoán XXI.

Pedro Nunes.