"hem" (Contén)

PERSOEIRO

Viaxeiro e aventureiro. Entre 1502 e 1508 visitou os países do Mediterráneo oriental e de Oriente Medio e chegou ata a India e Malacca. Volveu para Lisboa polo camiño do cabo de Boa Esperanza. A relación da súa viaxe, Itinerario de Ludovico de Varthema Bolognese nello Egypto, nella Surria, nella Arabia deserta e felice, nella Persia, nella India & nella Ethiopia (1510), foi utilizada por xeógrafos e cartógrafos durante case dous séculos.

PERSOEIRO

Rei de Bohemia (1230-1253), fillo e sucesor de Otakar I de Bohemia. Derrotou a Federico I (1232), aínda que posteriormente aquel invadiu Moravia. Para executar contra el o decreto de proscrición, uniuse ao emperador en 1237, que acabou conseguindo o dominio total de Austria.

PERSOEIRO

Rei de Bohemia (1278-1305) e de Polonia (Venceslau I, 1300-1305), fillo e sucesor de Otakar II de Bohemia. Estendeu a soberanía feudal sobre os ducados de Silesia, que foron de Polonia. Interveu na elección de Alberte I (1297-1298), pero tivo que sufrir o seu dominio. Accedeu ao trono polaco ao casar coa herdeira, Isabel.

PERSOEIRO

Rei de Bohemia (1305-1306), de Hungría (Venceslau I, 1302-1305) e de Polonia (Venceslau II, 1305-1306), fillo de Venceslau II de Bohemia. Perdeu Hungría na guerra contra Alberte I de Austria (1305) e tivo que venderlle as posesións de Misnia ao margrave de Brandenburgo. Foi o último soberano da dinastía premyslida.

PERSOEIRO

Físico alemán. Fixo xunto con Gauss importantes estudos sobre o magnetismo terrestre e propuxo un sistema de unidades para a electricidade. Inventou un telégrafo electromagnético (1833) e construíu un electrodinamómetro.

PERSOEIRO

Matemático alemán. Contribuíu á teoría de funcións, estudou as funcións abelianas, as elípticas, as variables complexas, o cálculo de variacións e a converxencia das series.

PERSOEIRO

Socialista. Foi o primeiro teórico alemán do comunismo. Fundou en Nova York (1852) a organización Arbeiterbund. Das súas obras destaca Die Menschheit wie sie ist und sein sollte (A humanidade tal como é e tal como debería ser, 1838).

PERSOEIRO

Xeógrafo alemán. Coñecido como Ferdinand von Richthofen, organizou unha asociación de xeografía e fundou un instituto oceanográfico. Está considerado como un dos creadores da xeomorfoloxía. Foi o primeiro científico que individualizou as rías como un tipo singular de costa.

CIDADES

Cidade do land de Baixa Saxonia, Alemaña, na costa noroeste do golfo de Jade, no mar do Norte (90.200 h [1990]). Ten estaleiros e industria téxtil e de máquinas de escribir (Olympia). Porto pesqueiro e comercial, foi construído en 1859 como porto militar.

PERSOEIRO

Rei de Bohemia e marqués de Moravia (1458-1471), rexente e sucesor de Ladislau I de Bohemia (Ladislau IV de Hungría). Nobre husita, tomou Praga aos católicos (1448) e recibiu a investidura do reino de mans do Emperador Federico III.