"Bo" (Contén)

MACIZO

Macizo das Montañas Rochosas (1.006 m), ao O do Canadá, atravesado polos ríos Peace e Hay. Posúe importantes xacementos de cobre e ouro.

PERSOEIRO

Arcebispo (1564) e cardeal (1560) de Milán. A tradición conta que durante a gran peste de 1575 andou en procesión de penitencia por Milán, cunha corda ao pescozo e cun cilicio, socorrendo os apestados. Interveu no Concilio de Trento (1545-1563), dirixiu a Contrarreforma en Suíza e reformou a súa diocese fundando colexios e seminarios. Malia a súa actitude de severidade e austeridade, foi moi popular, especialmente trala peste de 1576, que orixinou unha gran mortaldade. Escribiu numerosos sermóns e instrucións; entre eles, Actas sinodiais, Sermóns, Instrucións e cartas. Canonizado en 1610, a súa festividade celébrase o 4 de novembro. En iconografía represéntase vestido de cardeal, co capelo e a capa purpúreas, e leva como atributos o báculo arcebispal coa dobre cruz, un crucifixo na man e unha corda ao pescozo.

PUNTA

Punta do litoral da parroquia e concello de Laxe, situada na costa occidental do monte da Insua, ao NO da vila de Laxe.

PERSOEIRO

Enxeñeiro e político. Conselleiro de Ordenación do Territorio e Obras Públicas no primeiro goberno autonómico (1982). Foi tamén director de Obras Públicas da Deputación Provincial de Ourense, director xeral de coordinación de investimentos no ministerio de Obras públicas e presidente da comisión nacional de recursos da auga no III Plan de Desenvolvemento. Presidiu a comisión nacional de Deportes de Alianza Popular (1986-1996) e, a partir de 1989, foi deputado no Parlamento español polo Partido Popular. Foi voceiro do Grupo Popular na comisión parlamentarias de Deportes (1989-1996), e da comisión de Transportes e secretario da comisión de Infraestruturas a partir de 1996.

PERSOEIRO

Militar e político, duque de Montemar. Participou na Guerra de Sucesión loitando no bando borbónico. En 1733 capitaneou a conquista de Nápoles e Sicilia, e derrotou as forzas imperiais en Bitonto, polo que Filipe V lle otorgou o título de duque de Montemar e de Bitonto (1734). De volta a Castela foi nomeado secretario de Guerra (1737-1741). En 1741 marchou a Italia para participar na Guerra de Sucesión contra Austria, pero un desacordo no plan de campaña relegouno do mando e foi, de novo, enviado a España e desterrado temporalmente da corte.

MUNICIPIOS

Municipio da provincia de Málaga, Andalucía (2.600 h [1996]). Sitúase na conca do río Guadalhorce e forma parte da serra de Tolox. A agricultura, sobre todo o cultivo de cereais, e a gandería bovina son as súas principais actividades económicas.

PERSOEIRO

Pintor e debuxante. Discípulo de Joan Vicens, en 1882 estudiou no obradoiro de Carolus Duran en París, onde pintou un autorretrato vestido de andaluz que foi admitido no Salón de 1883. En 1890, con Rusiñol e Miquel Utrillo, instalouse no Moulin de la Galette en Montmartre, etapa destacada con cadros como Plein air (1891) e Ball al Moulin de la Galette (1893) e caracterizada, no que respecta ao debuxo, pola influencia de Toulousse-Lautrec, Steinlein e Forain. De regreso a Barcelona, realizou unha serie de obras que amosaban a conflitividade social da época como Garrote vil (1894), La càrrega (1902) e a vida popular como Ball de tarda (1895) e Processó de Santa Maria del Mar (1896). Na plenitude do modernismo, representou a conxunción do realismo do s XVII e as suavidades impresionistas co sintetismo da pincelada e a sutileza dos tons vivos dentro dunha atmosfera agrisada. En 1897, con Rusiñol, Utrillo e Pere Romeu, abriu a cervexería...

PERSOEIRO

Humanista protestante. Foi bibliotecario real na corte de Enrique IV en París. En 1610 estableceuse en Inglaterra, protexido por Xaime I, que o utilizou como panfletario relixioso, especialmente contra os xesuítas. Editou libros de diversos autores gregos e latinos como Aristóteles ou Teócrito.

1. Relativo ou pertencente ao pobo dos cashibos ou á súa lingua.

2. Individuo da tribo cashibo.

3. Tribo indíxena do Perú, que vive á beira dos afluentes esquerdos do río Ucayali. Constitúen o grupo máis numeroso da familia ge-pano-caribe.

4. Lingua que se fala no Perú e que pertence á familia lingüística ge-pano-caribe e á subfamilia caribeña.

PERSOEIRO

Médico norteamericano. Foi profesor en Harvard e escribiu varios traballos sobre a fisiopatoloxía das anemias de tipo pernicioso. Demostrou a existencia do chamado factor intrínseco de Castle, formado na mucosa gástrica e duodenal, que capta o factor extrínseco (vitamina B12), necesario para a eritropoese normal.