"qu" (Contén)

1. Química aplicada á análise de cantidades moi pequenas de materia.

2. Química aplicada ás reaccións microquímicas.

1. Relativo ou pertencente á microquímica.

2. Aplícase ás reaccións que se observan por medio do microscopio ou que se efectúan con cantidades moi pequenas de substancia por medio de aparatos en miniatura (microanálise).

1. Relativo ou pertencente aos microquirópteros.

2. Mamífero da suborde dos microquirópteros.

3. Suborde de mamíferos, da orde dos quirópteros, caracterizados por ser de pequeno tamaño, ter os molares en cúspide moi aguda e carecer de unlla no segundo dedo. Nesta suborde inclúense 17 familias, todas de dieta insectívora, das que só 3 están representadas na Península Ibérica e Europa.

PERSOEIRO

Erudito francés. En 1836 deixou a profesión xornalística para dedicarse á publicación da Bibliothèque universelle du clergé, da que apareceron máis de mil volumes. As súas obras máis coñecidas son Patrologiae Graecae cursus completus e Patrologiae Latinae cursus completus.

PERSOEIRO

Voivoda de Valaquia (1593-1601), de Transilvania (1599-1601) e de Moldavia (1600). Reuniu, coa posesión de Transilvania e de Moldavia, toda Romanía. Morreu pola traizón do xeneral imperial Basta.

GALICIA

Piragüista. Formado no Club Kayak Tudense, foi 22 veces campión de España. Conseguiu a medalla de bronce na proba de C-2 en 500 m, xunto a Narciso Suárez, nos Xogos Olímpicos de Los Angeles (1984) e foi semifinalista na mesma proba nos Xogos Olímpicos de Seúl (1988) e Barcelona (1992). Recibiu a Medalla de Plata de la Real Orden del Mérito Deportivo.

PERSOEIRO

Actor. Comezou a súa traxectoria co grupo Itaca Teatro, co que realizou espectáculos como Historia do Zoo (1981) ou Eclipse Total (1984). Na pantalla grande participou nos filmes Las cartas de Alou (1990), Matías, juez de línea (1996) e La vida que te espera (2004); e dentro do ámbito televisivo, a súa experiencia abrangue producións como Pratos combinados, A familia Pita e Hospital Central.

PERSOEIRO

Arquitecto francés. Traballou para Estanislao I de Polonia en Nancy, onde fixo as portas de Sainte-Catherine e Saint-Stanislas. Foi o primeiro arquitecto de Luís XVII, grazas á protección de María Antonieta, para quen traballou en Versailles. Nos xardíns do Petit Trianon, fixo o teatro, o templo de l´Amour, o Belvédère e o Hameau de la Reina (1782-1784).

1. Membro dunha milicia recrutada en Catalunya para efectuar misións especiais ou reforzar as tropas regulares.

2. Individuo que pertencía á milicia foral da provincia de Gipuzkoa.

PERSOEIRO

Gospodar de Valaquia (1386-1418), fillo de Radu I. Estivo en loita constante contra os turcos e perdeu parte da súa independencia cando Mehmet I ocupou a Dobruxa e o someteu a tributos.

1. Relativo ou pertencente ao mixe-zoque.

2. Familia de linguas amerindias que falan os pobos mixe e zoque. Esténdense polos estados mexicanos de Oaxaca, Chiapas, Tabasco e Veracruz.

ENTRADA LARGA

Estado de África meridional que limita ao N con Tanzania, ao L co Océano Índico, ao S con Swazilandia e a República Sudafricana, ao O con Zimbabwe e Zambia e ao NO con Malawi (799.380 km2; 17.587.000 h [estim 2001]). A capital é Maputo.
Xeografía física
O sector N e NL é o máis accidentado, dominado por altiplanos, con altitudes que superan os 2.000 m. Máis ao N está a serra Namúli e o lago Niassa, polo centro do cal pasa o límite NO de estado co territorio de Malawi. O clima presenta unha estación cálida e chuviosa, na época do monzón do norte, e outra fría, que dura de abril a setembro. Os ríos máis importantes son o Zambeze, o Save e o Limpopo. A vexetación predominante ten carácter de sabana con árbores e de selva seca. Hai tamén galerías de bosque húmido.
Xeografía económica
A agricultura é a principal ocupación, onde o 4% do territorio está adicado aos cultivos. Os produtos principais son a cana de azucre,...