"To" (Contén)

FAMILIAS

Familia de artistas de circo italianos. Destacan os pallasos Alex e Rico, casados con María e Emilia Alegría, respectivamente, fillas dos fundadores do circo Alegría.

CAPITAIS

Capital de Barbados, preto da badía de Carlisle, no S da illa (6.700 h [1990]). É o principal centro comercial do país, ademais de núcleo industrial dedicado á transformación dos produtos agropecuarios, fundamentalmente da cana de azucre (refinerías de azucre e destilerías de ron). Tamén é centro de ensino superior, sede da University of the West Indies. A cidade foi fundada polos ingleses no 1627, pouco despois de apoderarse da illa. Escala das viaxes trasatlánticas, converteuse na residencia do Gobernador británico das Indias Occidentais, territorio colonial que incluía as illas do arquipélago das Antillas (Barbados, Granada, San Vicente, Santa Lucía, Tobago e Trinidad). Aínda que coa descolonización perdeu esa condición capitalina das posesións antillanas británicas, conservou ese carácter no seu estado e tamén a función portuaria, reconvertida en gran medida cara ao sector turístico. Nos seus arredores, a 18 km, está situado o aeroporto internacional de Barbados.

CIDADES

Cidade do Condado de East Sussex, no SL Inglaterra, Reino Unido, preto do Canal da Mancha (156.124 h [1996]). Antigo porto pesqueiro que, co gallo da construción do ferrocarril que o uniu con Londres (1841), se converteu nun importante centro residencial estival para as familias da alta burguesía industrial e comercial. Esta tradición hostaleira soubo diversificarse e especializarse na organización de congresos e na atención da demanda de aprendizaxe da lingua inglesa. É tamén un centro de ensino superior, sede da Brighton Polytechnic, escola de enxeñería fundada en 1970.

PERSOEIRO

Etnólogo e arqueólogo norteamericano. Foi un dos principais iniciadores da etnoloxía en EE UU. Estudiou a lingua e as tradicións dos indios de América do Norte e América Central. Publicou entre outras, The Maya Chronicles (Crónicas dos maias, 1882).

1. Relativo ou pertencente ás briófitas.

2. Planta da división das briófitas.

3. División de plantas que engloba as clases das hepatópsidas ou hepáticas, das briópsidas ou mofos e das antocerotópsidas ou antocerotas.

GALICIA

Pintor. Formouse na Academia de Bellas Artes de Salamanca, rematando os seus estudios en 1986. De carácter expresionista, participou en diversas exposicións individuais e colectivas.

PUBLICACIÓNS

Publicación coruñesa de vida fugaz. Naceu e desapareceu no mesmo ano, en 1900, cando o cardeal arcebispo de Compostela prohibiu a súa lectura.

1. Antigo pano groso de la que se fabricaba orixinariamente na cidade inglesa de Bristol.

2. Especie de cartolina composta de varias follas de papel superpostas e adheridas entre si.

3. Papel de debuxo.

CAPITAIS

Capital do condado de Avon, Inglaterra, na confluencia do río Avon e o Froom (399.300 h [estim 1983]). Bristol é un núcleo industrial activo e un porto de gran tráfico. Entre os produtos chegados de ultramar o trigo e o petróleo son os de maior importancia. Na actividade industrial destaca a construción aeronáutica, estaleiros, metalurxia do estaño, industrias alimentarias (chocolate, azucre, cervexa) e fábricas de calzado e papel. Destaca a sala capitular da súa catedral (s XII-XIII). Cidade nacida na época romana, o comercio da la situouna entre as máis importantes poboacións medievais de Inglaterra. Nos ss XIII e XIV o intercambio colonial estendeu considerablemente a súa rede comercial; á vez, produciuse un desenvolvemento cultural que culminou na súa adhesión á Reforma (s XVI). O comercio colonial proseguiu a súa expansión no s XVIII, pero no XIX Bristol iniciou a decadencia a causa da abolición da escravitude.

GOLFOS

Golfo de Gran Bretaña, no Océano Atlántico, entre o sur de Gales e o condado de Devon, Inglaterra.

PERSOEIRO

Historiador e monxe cisterciense. En 1606 foi nomeado cronista da súa orde e, en 1616, cronista maior de Portugal. Iniciou a publicación da monarquía lusitana (1597-1609), que se aproxima ao estilo das novelas de cabalería.

PERSOEIRO

Historiador. Compilou a História trágico-marítima (1735-1736), conxunto de folletos impresos ou manuscritos referentes a naufraxios ocorridos a mediados do s XVI.

1. Relativo ou pertencente aos britónicos ou ao britónico.

2. Individuo do pobo britónico.

3. Pobo celta establecido en Gran Bretaña dende o primeiro milenio ata o s I a C.

4. Póla do céltico representada polo galés ou cámbrico, o córnico, o bretón e o picto.