"AND" (Contén)

PERSOEIRO

Actriz. Iniciou a súa carreira na compañía de María Guerrero, onde destacou como intérprete de diversas obras de Jacinto Benavente e onde iniciou unha longa traxectoria profesional. Foi unha das primeiras actrices españolas en ser convidadas a traballar en Hollywood.

RIOS

Río da vertente atlántica. Nace na Lagoa Mol (A Retorta), no límite entre as parroquias de Vilar de Infesta (Redondela) e Cabral (Vigo). O seu curso adopta unha dirección NL-SO coa que atravesa as parroquias viguesas de Lavadores, Sárdoma (onde recibe o seu principal afluente, o Eifonso, que baixa de Beade), Castrelos (onde aflúe o Barxas), Matamá, Santo André de Comesaña, Navia e Coruxo. Desemboca na ría de Vigo, no límite entre estas dúas últimas parroquias, despois dun percorrido de 14 kms. Na súa desembocadura forma unha xunqueira ao S da praia de Samil.

GALICIA

Relixioso. Licenciado en Filosofía e Letras e doutor en Teoloxía (1912), en 1908 recibiu a Sagrada Orde do Presbiterado. Desde ese ano exerceu como docente no seminario de La Habana. Foi cóengo da catedral de La Habana, fiscal eclesiástico e xuíz sinodal da diocese. Pola súa defensa da Igrexa, Benedicto XV nomeouno camareiro secreto, co título de monseñor, e Pío XI, prelado romano (1922). Foi membro fundador da asociación protectora da Real Academia Galega, institución da que foi membro correspondente. Destacan as obras Una leyenda que se esfuma e Palabras pronunciadas...en la iglesia de San Francisco de Pontevedra el día 13 de julio de 1938: fecha de aniversario del vil asesinato del mártir de la patria Excmo. Sr. D. José Calvo-Sotelo.

GALICIA

Relixioso. Lector xeral en Sagrada Teoloxía, foi catedrático en Santiago de Compostela. Foi custodio, ministro provincial e visitador da provincia de San Gregorio de Filipinas. En 1952 ingresou na Orden Civil de Alfonso X el Sabio, con categoría de encomenda.

MONTES

Monte situado entre as parroquias de Cereixido (Quiroga) e San Xulián (A Rúa). O seu cumio acada os 1.242 m de altitude.

PERSOEIRO

Médico e humanista. Catedrático da Universidad de Alcalá e doutor da Universidade de Bolonia, foi médico do Emperador Carlos V e do Papa Xulio II. Autor dunha trintena de obras, destacan os seus escritos sobre Galeno e Dioscórides.

PERSOEIRO

Escultor. Doutor en Filosofía e catedrático de escultura, foi o primeiro decano da facultade de Belas Artes da Universidade de Vigo. A súa obra ten matices surrealistas, entendida cunha vangarda con reminiscencias barrocas. Escribiu ensaios de arte cunha concepción filosófica, entre outros, Teoría bruta de la forma frágil: escritos adverbiales de arte, estética y enseñanza (1999).

FILOSOFOS

Filósofo francés. Defendeu unha concepción da realidade baseada na idea da asimilación e radicalmente oposta ao evolucionismo de Spencer. Escribiu Vocabulaire technique et critique de la philosophie (1902-1923), co que pretendeu unificar a linguaxe filosófica, Les théories de l’indution et de l’ experimentation (1929) e La raison et les normes (1948).

PERSOEIRO

Astrónomo francés. Traballou na Academia de París (1753), foi profesor do Colexio de Francia (1762) e director do Observatorio de París (1795). En 1751 colaborou con Lacaille na medida da paralaxe lunar, facendo as observacións desde Berlín mentres Lacaille traballaba no cabo Boa Esperanza. Publicou táboas coas posicións dos planetas e do cometa Halley. Deu a coñecer as posicións de 50.000 estrelas e publicou obras de divulgación astronómica, como Histoire celeste française (1801) e Traité d’Astronomie (1764).

PERSOEIRO

Astrónomo francés. Fixo estudios de tipo fotométrico e aplicounos á coroa solar e ás imaxes estrelares. Inventor da cámara electrográfica, foi astrónomo do observatorio de París, profesor do Colexio de Francia e membro da Academia das Ciencias.

MONTES

Monte situado entre as parroquias de Trasliste, Bande e Vilaleo (Láncara). O seu cumio acada os 500 m de altitude.

GALICIA

Debuxante e ilustrador. Coñecido como Leandro, foi colaborador das revistas Aturuxo e O Badueiro, e editou diversos cómics no semanario XO! Ademais da súa actividade como profesor de debuxo, realizou as ilustracións do libro História da Galiza em banda desenhada (1995), de Gonçalo Grandal Crespo.

PERSOEIRO

Militante anarquista de orixe galega. Exiliouse a Arxentina polas súas ideas, onde chegou a ser un dos membros máis destacados da Federación Obrera Regional Argentina (FORA). Foi un dos superviventes da represión de Santa Cruz, na Patagonia (1921).

PERSOEIRO

Actor cinematográfico. Foi moi popular grazas aos personaxes de comedia que interpretou en numerosos filmes. Destacan El verdugo (1963), de L. G. Berlanga, No somos de piedra (1967), de M. Summers, No desearás al vecino del 5º (1970), de R. Fernández, Las verdes praderas (1979) e El crack (1981), ambos os dous de J. L. Garci, Los santos inocentes (1983), de M. Camus, Premio de Interpretación de Cannes, Sinatra (1988), de F. Betriu, El río que nos lleva (1989), de A. del Real, e La marrana (1992), de J. L. Cuerda.

PERSOEIRO

Físico acerbaixano. Discípulo de Bohr, foi profesor nas universidades de Khàrkov e Moscova. Traballou practicamente en todos os eidos da física do s XX: atómica e nuclear, do estado sólido e do plasma, hidrodinámica, raios cósmicos, magnetismo e crioxenia. Diversos fenómenos e teorías levan o seu nome. En particular, desenvolveu a teoría que explica o comportamento superfluído do helio-3 líquido e tamén é o autor da teoría einsteniana do campo unificado. Foi denomiado o Einstein soviético. Entre as súas obras destaca Course of Theorical Physics, nove volumes escritos en colaboración de E.M. Lifshitz. Recibiu a medalla do Instituto Max Planck (1960) e diversos galardóns soviéticos, entre eles o Premio Lenin (1962). En 1962 foi galardoado co Premio Nobel de Física polos seus traballos sobre ferromagnetismo, as baixas temperaturas, o helio líquido e física nuclear.