"To" (Contén)

1. Que carece de intelixencia e de educación.

2. Que actúa utilizando a forza física.

3. Que realiza accións faltas de prudencia ou medida.

4. Aplícase á cantidade de diñeiro á que aínda non se lle aplicou ningún tipo de desconto. OBS: Tamén se utiliza a construción en bruto.

5. Aplícase ás cousas que se conservan en estado natural sen ter sufrido ningunha modificación e aos produtos industriais que non foron purificados ou refinados. OBS: Tamén se utiliza a construción en bruto.

6. Animal irracional, especialmente os cuadrúpedes.

7. Denominación creada por Jean Dubuffet para definir os obxectos creados ou pintados por primitivos, nenos e dementes que non recibiran formación artística e que presentaban unhas características de inmediatez inxenua e de curiosidade casual. Dubuffet iniciou en 1947 unha colección con este tipo de obxectos, que presentou en Lausanne en 1972 e, en 1976, no Château de Beaulieu. Así mesmo, Dubuffet deu valor ao obxecto, como xa llo deran Duchamp e Picasso.

8. Peso total de algo incluíndo a tara, os envases, o desperdicio, etc. OBS: Tamén se emprega a construción en bruto.

PERSOEIRO

Patricio romano, sobriño de Tarquinio o Soberbio. Segundo a lenda, despois do suicidio de Lucrecia, violada por Tarquinio, alzou o pobo en armas e derrocou a monarquía, decretando o exilio da familia real. Trala creación do consulado, Bruto foi un dos primeiros en exercer esta maxistratura.

PERSOEIRO

Político, escritor e patricio romano. Foi educado polo seu tío Catón de Útica e gozou da amizade de Cicerón. Participou na Batalla de Farsalia no bando dos pompeianos e, trala derrota, César permitiulle marchar a Atenas, onde continuou os estudios de filosofía. Axudado por César, no 45 a C accedeu ao cargo de pretor urbano. Participou na conxura anticesariana pensando que así se salvaría a República; sen embargo, debido á sublevación popular contra os conxurados fuxiu e morreu na Batalla de Filipos.

CIDADES

Cidade da Lusitania. Suponse que foi fundada por Décimo Xunio Bruto o Galaico na campaña que emprendeu polo Occidente peninsular entre os anos 138-134 a C. Podería ser o primitivo nome de Valencia de Alcántara.

PERSOEIRO

Médico e botánico. Dedicou unha gran parte da súa vida á preparación e á confección de Flora Pyrenaica, obra monumental e de publicación póstuma (1897), básica para o coñecemento da flora dos Pireneos. Tamén escribiu Flora Virgiliana, onde estudiou a contribución botánica da obra de Virxilio.

PERSOEIRO

Botánico. Dedicouse especialmente aos brións. Recolleu material herbario en Finlandia, Francia e Galicia. En 1951 publicou Uber die Flora und Vegetation Nordwest-Spaniens (Sobre a flora e a vexetación do noroeste de España), obra de referencia no estudo da flora galega.

PERSOEIRO

Pintor. De formación autodidacta, presenta un estilo persoal na pintura de paisaxes que o achegan a Galicia no uso dunha cor marcadamente sensorial e na creación dunha atmosfera dacabalo entre o real e o irreal. Foi cofundador da revista e do grupo Desnivel. Dende 1978 realizou diversas exposicións e dende 1986 é profesor de debuxo e pintura.

PERSOEIRO

Escritor e dramaturgo. Xunto con Alfonso Sastre e Alfonso Paso dominou a escena española na década dos anos cincuenta e sesenta. Foi apresado en 1939 a causa da súa participación na Guerra Civil. A súa obra Historia de una escalera, estreada en 1949 e galardoada co Premio Lope de Vega, constitúe un dos fitos do realismo que daría lugar á aparición dunha problemática crítica, ausente na escena española desde 1939, e unha das primeiras miradas críticas á España da posguerra que influiría en autores posteriores. A súa técnica evolucionou desde as formas do teatro psicolóxico e existencial ata as influídas polo teatro brechtiano, aínda que sempre cunhas solucións moi persoais, presentando os obstáculos que limitan a condición humana e que ou son externos, e aquí se inscribe a súa vertente social e política, ou internos, enmarcados nunha ambigüidade transcendente. Para el, o coñecemento humano móvese entre as insuficiencias físicas e a inseguridade das intuicións, expresada a través...

PERSOEIRO

Enxeñeiro. No 1898 construíu un triciclo impulsado por dous motores. No 1910 fabricou o primeiro coche nun obradoiro de Molsheim (Alsacia), que logo se convertería na factoría de automóbiles de luxo Bugatti. En 1911 creou, con Peugeot, o motor Bébé Peugeot e foi o primeiro en empregar o compresor para sobrealimentar os motores dos coches de carreiras. Construíu tamén os primeiros automotores de combustión interna dos ferrocarrís franceses.

1. 1. s m

      Volume ou tamaño de algo.

   2. vulto redondo

      Escultura que pode contemplarse desde calquera punto de vista ao seu redor. OBS: Tamén se denomina escultura exenta.

2. Aquilo ao que sobresae nunha cousa.

3. Obxecto que forma parte dunha carga que se vai transportar.

4. Inchazón no corpo ou nun órgano que sae cara a fóra.

5. Obxecto ou masa que non se percibe con claridade pola distancia ou a mala visibilidade.

PERSOEIRO

Escritor e político. É coñecido principalmente pola súa novela The last days of Pompeii (Os derradeiros días de Pompeia, 1834).