"An" (Contén)

PERSOEIRO

Enxeñeiro agrónomo. A súa ideoloxía galeguista levouno ao compromiso co agro galego. Colaborou coa Misión Biolóxica de Galicia, e con diversos periódicos e revistas. Publicou numerosos artigos e os libros Enfermedades y plagas de las plantas cultivadas (1952) e La rentabilidad de la tierra en la provincia de Pontevedra (1962). Recibiu a Orden Civil al Mérito Agrícola e o Premio Nacional de Prensa Agrícola.

CORDILLEIRAS

Cordilleira de América Central, que se estende desde o istmo de Tehuantepec, en México, ata a Barranca de Atrato, en Colombia. Cunha orientación NO-SL, atravesa Guatemala, El Salvador, Honduras, Nicaragua, Costa Rica e Panamá. A súa máxima altitude é o volcán de Tajumulco, en Guatemala (4.200 m).

SERRAS

Serra do extremo N de Colombia que se estende desde a costa do mar Caribe ata a serra de Perijá (Andes Orientais). Formada por rochas cristalinas paleozoicas (granitos, gneis e xistos), a máxima altitude está no pico de Cristóbal Colón (5.780 m).

PERSOEIRO

Político francés. Deputado, foi membro do Club dos Xacobinos, pero en 1791 evolucionou cara a posicións máis moderadas. En 1799 formou parte do consello executivo do Directorio, buscou a creación dun goberno forte e foi un dos autores do golpe de estado do 18 de brumario. Foi un dos tres cónsules provisionais e colaborou na redacción da Constitución do ano VIII, pero non tardou en ser afastado dos postos de decisión.

PERSOEIRO

Escolástico. En oposición a Tomé de Aquino defendeu teses aristotélico-averroístas e neoplatónicas, como a da eternidade do mundo, a da causación inmediata por Deus, só dunha primeira intelixencia, ou a da existencia dun único intelecto axente para todos os homes. Contribuíu ao divorcio moderno entre a razón e a fe. As súas teses foron condenadas polo bispo de París.

1. Que significa.

2. Conxunto de elementos fonolóxicos que, segundo a terminoloxía estruturalista, configuran a imaxe acústica dun signo lingüístico.

PERSOEIRO

Psicólogo e escritor. Doutor en Filosofía (1951), especializouse en psicoloxía social, foi pioneiro no estudo da emigración e dedicouse principalmente á psicolingüística, ao estudo da linguaxe infantil e dos problemas relacionados co bilingüismo. Dirixiu (1969) o I Instituto de Ciencias de la Educación e foi o director científico do proxecto LINGUAPAX da UNESCO. Membro da Academia Europea, é doutor hororis causa polas Universidades de Ginebra e do País Vasco. Das súas obras destacan Del campo al suburbio. Un estudo sobre la inmigración interior en España (1959), Educación y bilingüismo (1986), España plurilingüe (1992), L’Europe de les llengües (1995) e Bilingüismo y lenguas en contacto (2001).

PERSOEIRO

Poeta e autor teatral grego. Iniciouse na poesía con obras inspiradas no simbolismo francés. No deserto de Libia compuxo o seu primeiro poema lírico (1907), que foi seguido por Cantos de guerra (1912) e por Versos (1915). Na súa madurez acadou unha conciencia profunda que revelou, cunha gran densidade lírica, a continuidade espiritual do helenismo, con influencias de Píndaro.

PARROQUIA

Parroquia do concello de Muras baixo a advocación de santo Estevo.

1. silencioso.

2. Que fala pouco.

1. Hidruro de silicio, o máis simple, que se emprega en electrónica na dopaxe de semicondutores.

2. Hidruro de silicio, de fórmula xeral Si n H 2n+2 , e dos seus derivados por substitución de hidróxeno, análogo aos hidrocarburos.

PERSOEIRO

Físico francés. Xunto con P. A. Favre realizou as primeiras determinacións das calores de combustión das substancias orgánicas. Constatou a posibilidade de aplicar a galvanoplastia na reprodución de medallas.

PERSOEIRO

Político. Cofundador do Movimiento Nacionalista Revolucionario (MNR, 1941), viviu exiliado en Arxentina e Chile entre 1946 e 1951. Ao regresar ao seu país, dirixiu en 1952 a insurrección que levou ao MNR ao poder e foi vicepresidente (1952-1956) e presidente (1956-1960) da república. Un golpe de estado obrigouno a exiliarse de novo (1964-1978). En 1978 fundou o Movimiento Nacionalista Revolucionario de Izquierda, co que venceu nas eleccións presidenciais de 1979 e 1980, pero o réxime militar non permitiu a toma de posesión do seu novo cargo. Disolta a xunta militar, ocupou a presidencia da república entre 1982 e 1985.