"Pol" (Contén)

PERSOEIRO

Realizador cinematográfico estadounidense, coñecido como Henry Hathaway. Con dez anos debutou como actor de cine e, posteriormente, foi o encargado do gardarroupa dos estudios Universal. Nos anos vinte foi axudante de dirección de Victor Fleming, Josef von Sternberg e outros. Entre 1932 e 1934 rodou oito westerns para os estudios Paramount, compañía para a que traballou en exclusiva durante a década dos trinta e para a que produciu películas como The Lives of a Bengal Lancer (Tres lanceiros bengalís, 1935) ou Souls at Sea (Almas no mar, 1937). Posteriormente dirixiu The Real Glory (A xungla en armas, 1939) para o produtor independente Samuel Goldwyn. Durante a década dos corenta e cincuenta traballou en exclusiva para os estudios 20th Century Fox. Do resto da súa produción destacan: Kiss of Death (O bico da morte, 1947), The Desert Fox (Rommel, o raposo do deserto, 1951), Niagara (Niágara, 1953), Legend of the Lost...

PERSOEIRO

Crítico de arte, pai de Paul Fierens. Colaborador de Journal des débats, foi profesor na Universidade de Liexa. Das súas obras destaca Histoire de la peinture flamande des origens à la fin du XVe siécle (s XV).

PERSOEIRO

Físico. En 1842 conseguiu imaxes impresas a partir de daguerrotipos. Traballou con J. B. C. Foucault no campo da óptica e fixo a primeira medición da velocidade da luz no aire. Probou que o efecto Doppler se pode utilizar para medir a velocidade radial das estrelas. Estudiou tamén a dilatación dos cristais e a polarización da luz.

PERSOEIRO

Pintor francés. Discípulo de J. M. J. Ingres, pintou os frescos das igrexas de Saint-Sévérin, Saint-Germain-des Prés e Saint-Vicent-de-Paul, en París, e decorou o castelo de Dampierre. Foi o retratista oficial de Napoleón III e da sociedade aristocrática e burguesa do Segundo Imperio. Cultivou tamén a pintura histórica e mitolóxica. En 1830 gañou o Prix de Rome.

CAPITAIS

Capital do estado de Santa Catarina, Brasil, na costa oriental da illa de Santa Catarina, no Atlántico (254.994 h [1991]. Exporta os produtos das súas terras e ten industria azucreira e de conservas. Fundada en 1675 por Francisco Dias Velho co nome de Nossa Senhora do Desterro, converteuse en 1726 en vila. Do seu patrimonio cultural destacan, entre outros, o edificio da antiga Aduana e as igrexas de São Sebastião, Nossa Senhora da Conceição e Nossa Senhora da Lapa.

PUBLICACIÓNS

Publicación aparecida na Coruña o 12 de novembro de 1812. Cesou a súa edición o 20 de maio de 1813. Imprimiuse nos obradoiros tipográficos de Antonio López Rodríguez e saía catro veces por semana. Incluía novas do estranxeiro e de España, xunto con información sobre decretos das Cortes.

PERSOEIRO

Militar. Foi un dos artífices do golpe militar arxentino de 1976 e sucedeu o xeneral Viola na presidencia da República en 1981. Ordenou a ocupación das Illas Malvinas e foi cesado trala derrota fronte aos ingleses (1982). Foi procesado e condenado a prisión en 1986 e indultado en 1990.

PERSOEIRO

Actriz de teatro, cine e televisión. Coñecida como Lola Gaos, iniciou a súa carreira teatral no campo afeccionado e despois da Guerra Civil fixo estudios de Arte Dramática no exilio, de onde volveu en 1943 para debutar pouco despois no teatro María Guerrero. A súa carreira sempre estivo marcada por papeis secundarios en espectáculos como La casa de Bernarda Alba ou De San Pascual a San Gil. Da súa extensa filmografía cómpre sinalar títulos como: Molokai (1959) de L. Lucía; Viridiana (1961) e Tristana (1969) de L. Buñuel; El Verdugo (1963) de L. G. Berlanga; Mi querida señorita (1972) de J. de Armiñán; e Furtivos (1975) de J. A. Bardem.

PERSOEIRO

Escritor. Da súa produción poética destaca Sobre la tierra (1945), Profecía del recuerdo (1956), Poesías completas (1959) e Un montón de sombra (1972). Os seus estudios críticos recolléronse nos volumes La poética de Campoamor (1955), Poesía y técnica poética (1955), Temas y problemas de literatura española (1959) e Claves de la literatura española (1971). Postumamente concedéuselle o Premio Nacional de Poesía (1981).

PERSOEIRO

Político. Militou no Partido Conservador e no ano 1922 foi nomeado director xeral de prisións. Deputado desde 1914, representou o distrito do Carballiño entre 1918-1923.

PERSOEIRO

Tenor e compositor. En 1816 participou na estrea en Roma de Il barbieri di Siviglia de Rossini. Actuou tamén nos EE UU e México e exerceu a docencia. Das súas composicións destaca a ópera El poeta calculista.

PUBLICACIÓNS

Publicación política editada en Santiago de Compostela a partir do 1 de febreiro de 1812. Cesou a súa edición o 30 de decembro de 1813. Dirixiuna Xoán Bautista Caamiña. Impresa nos obradoiros tipográficos de Manuel A. Rey, saía todos os mércores e sábados. Erixiuse no substituto de “El Patriota Compostelano” e “El Cartel”. Incluíu extractos das sesións das Cortes de Cádiz, comunicados e noticias estranxeiras e de España.

PERSOEIRO

Químico alemán, discípulo de F. Wöhler. Descubriu o ferricianuro de potasio, que se coñece co nome de Sal de Gmelin, e introduciu os termos éster e cetona en química orgánica. Polas súas investigacións sobre a química da dixestión, pódese considerar o fundador da fisioloxía química.

CIDADES

Cidade do voivodato de Lubuskie, Polonia (12.285 h [2000]). Está situada 120 km ao NO de Poznań, no curso inferior do río Warta. Destacan as industrias de fibras téxtiles artificiais e sintéticas, da madeira e alimentarias.