"An" (Contén)

PERSOEIRO

Político, sociólogo e xurista. Alcalde de Madrid (1979-1986) e catedrático de dereito político, foi expulsado (1965) da universidade pola súa oposición ao franquismo, polo que entre 1966 e 1967 exerceu en Princeton. En 1968 fundou o Partido Socialista del Interior que, xunto co Partido Comunista Español e o Partido Carlista, formaron a Junta Democrática de España. Resposto na súa cátedra desde 1975, foi deputado polo PSP (1977) e acabou integrando o seu partido no PSOE, do que foi elixido presidente honorario (1978). Autor do preámbulo da Constitución Española de 1978, publicou Sociología y situación (1954), Humanismo y sociedad (1964), Leyes políticas españolas fundamentales: 1808-1936 (1975), Democracia, socialismo y libertad (1977) e as súas memorias, Cabos sueltos (1981).

PERSOEIRO

Rei arsácida de Armenia (95-94). Xenro e aliado de Mitridates VI de Ponto, conquistou Capadocia, Mesopotamia, Migdonia e Osroena, e fixo tributarios os reis de Albania, de Atropatene, de Siria e de Cilicia. Non puidendo resistir a Licinio Luculo, refuxiouse na corte de Mitridates VI. Foi vencido por Cneo Pompeo Magno en Artaxata. A paz e o trono de Armenia fóronlle devoltos a cambio da renuncia a Siria e Asia Menor.

1. Mamífero carnívoro, de ata 3 m de lonxitude total, que presenta a pel avermellada, excepto a da parte interna das patas e as partes inferiores e frontais do corpo, que son brancas, todas atravesadas por franxas anchas e escuras. Son animais de vida solitaria, os machos e as femias só se xuntan durante a época de reprodución e cazan os dous. A femia pare unha camada de un a seis cachorros que permanecen xunto á nai ata o segundo ano de idade. Teñen unha dieta variada, comen cervos, gando vacún, ras, peixes ou prea. De orixe asiática, é un formidable depredador que ocupa hábitats moi diversos, desde Siberia ata Insulindia. É o representante máis grande da familia dos félidos. A especie divídese en cinco subespecies, o tigre indochino (P.t. corbetti), o tigre de Sumatra (P.t. sumatrae), o tigre de Java (P.t. sondaica), o tigre de Siberia ou tigre siberiano (P.t. altaica) e o tigre de Bengala ou tigre indio (P.t....

2. Mamífero carnívoro que mide 35 cm ata a cruz e 75 cm de lonxitude, máis 40 cm de cola. É de cor café claro a un gris terroso claro e presenta manchas ovais e raias de color café escuro ou negro. Aliméntase de roedores, pequenos primates, réptiles, insectos e aves. É un animal solitario de costumes nocturnas, moi bo agatuñador e moi áxil nas árbores. Habita altiplanos de densa vexetación, desde Costa Rica ata o N de Arxentina.

CIDADES

Cidade do estado de Baixa California Norte, México, situada a 5 km da desembocadura do río de Las Palmas no Pacífico (1.210.820 h [2000]). Por razón da súa proximidade á fronteira con EE UU, entra unha gran cantidade de poboación flotante norteamericana.

PERSOEIRO

Político ucraíno. Primeiro vicepresidente do consello de ministros da URSS (1976-80) e membro do Politburó (1979-85), en 1980 sucedeu a A. N. Kosygin como xefe do goberno e colaborador de Brežnev. En 1985, unha vez instalado no poder M. Gorbačov, dimitiu por razóns de saúde.

PERSOEIRO

Escritor. Cantor romántico da revolución, as súas baladas Orda (1920-1921) e Braga (Néctar, 1921-1922) tiveron unha gran popularidade. A novela Vojna (A guerra, 1931) representa unha aposta máis decidida polo realismo socialista. Combinou a poesía coa prosa e foi un autor moi premiado, con obras como Kirov s nami (Kirov connosco, 1941, Premio Stalin 1942), Gruzinskaja vespa (Primavera xeorxiana, 1948, Premio Stalin 1949) e Šest’kolon (Seis columnas, 1969, Premio Lenin 1970).

PERSOEIRO

Teólogo evanxélico e filósofo alemán. Considerou que a cuestión relixiosa xorde en relación cos problemas da concreta situación humana, á que as afirmacións teolóxicas dan respostas prácticas (método de correlación). Das súas obras destacan Religion und Kultur (Relixión e cultura, 1925), Die sozialistische, Entscheldung (A decisión socialista, 1933), Systematic Theology (Teoloxía sistemática, 1951-1957) e The Eternal Now (1963).

PERSOEIRO

Pintor grego. Na tradición literaria romana acadou unha gran popularidade o seu Sacrificio de Ifixenia. Atribuíronselle as pinturas Cíclope durmindo e a Occisión de Palamedes.

PERSOEIRO

Militar ruso. Mariscal e comisario de defensa en 1940, foi derrotado polos alemáns en Minsk e en Biatystock (1941) e dirixiu sen éxito unha ofensiva en Kharkov en 1942. Desde 1945 ata 1947 foi conselleiro militar dos comunistas chineses.

PERSOEIRO

Discípulo e colaborador do apóstolo Paulo. Fillo de pai pagán e de nai xudeocristiá (Eunice), converteuno san Paulo. A tradición identificouno co xefe (bispo ou presbítero) da igrexa de Éfeso, destinatario de dúas epístolas neotestamentarias. Represéntase vestido de pontifical (bispo) ou con túnica e palio como os personaxes bíblicos; cun ídolo aos pés, en representación de Diana, un bastón nodoso na man, e pedras recollidas no manto; e leva, como atributos persoais, un rolo na man que alude á carta que lle mandou san Paulo. A súa festividade celébrase o 26 de xaneiro.

1. Relativo ou pertencente ao tímpano do oído.

2. Aplícase ao ruído característico que producen as cavidades corporais cheas de gases cando repercuten.

1. Distensión dalgunha cavidade do corpo que se produce por gases, especialmente ao do abdome.

2. Sonoridade particular que presentan normalmente algunhas partes do corpo que son percutidas, como o hipocondrio esquerdo, a causa dos gases do aparato dixestivo. Patoloxicamente pode aparecer noutros lugares, por exemplo no caso do pneumotórax.

1. timpanismo.

2. mirinxite.

3. Inflamación que se produce no oído medio.

1. Relativo ou pertencente ao timpanismo.

2. Que ou quen sofre timpanismo.