"Est" (Contén)

Acordos asinados simultaneamente en Münster e Osnabrück, o 24 de outubro de 1648, que puxeron fin á Guerra dos Trinta Anos. Alemaña saíu descomposta dela e Francia foi a gran triunfadora, pois obtivo os bispados de Metz, Toul e Verdún, dez ducados en Alsacia, o Sundgau e as cidades de Breisach e Pinerolo. Suecia recibiu a Pomerania occidental, a cidade de Stettin e as illas de Rügen e Usedom. Brandeburgo, protexido por Francia, recibiu o principado de Cammin, Pomerania oriental, os bispados de Halberstadt e Minden e o ducado de Hohenstein. Mecklenburg recibiu os bispados de Schwerin e Ratzeburg. O Palatinado renano foille restituído a Carlos Luís, fillo de Federico V. Foi recoñecida a independencia dos Países Baixos e Suíza.

Antiga cidade inglesa de Middlesex que constitúe un barrio central de Londres. Arredor da antiga abadía de Westminster reúnense os edificios máis importantes da cidade como o Parliament, Buckingham Palace, Saint James’ Palace, Law Courts, Whitehall ou a National Gallery. Os edificios da abadía (ss XI-XIII) foron iniciados en 1050 por Eduardo III de Wessex. Panteón real, nela coróanse tradicionalmente os reis ingleses. O Parliament é unha reconstrución do s XIX en estilo gótico Tudor. O palacio, a abadía e a igrexa de Saint Margaret’s foron declarados Patrimonio da Humanidade pola UNESCO (1987).

Lei que instituíu a Commonwealth of Nations. Preparada pola conferencia imperial de 1927, foi aprobada polo Parliament británico o 11 de decembro de 1931.

Alianza entre Inglaterra e Prusia, asinada en Westminster o 16 de xaneiro de 1756. Ao provocar, como reacción, a alianza entre Francia e Austria (Tratado de Versailles, 1756), implicou a inversión de alianzas que levou á Guerra dos Sete Anos.

División administrativa de Xamaica (807 km2; 137.700 h [estim 1999]). A súa capital é Savanna-la-Mar (16.600 h [1991]).

Título concedido en Inglaterra, en 1397, a Ralph Neville (?-1425), cuarto lord Neville of Raby e mariscal de Inglaterra, cuñado do futuro Rei Enrique IV. En 1624 foi concedido a sir Francis Fane (?-1629), barón de Burghersh e lord Despense. O título continúa na familia Fane.

Elemento arquitectónico dunha determinada clase de igrexa carolinxia, consistente nun corpo colocado na fachada occidental flanqueado por dúas torres, que dá a unha tribuna aberta no interior da igrexa.

Tipo de fusil de caza ou de guerra.

Escola inglesa de miniaturistas, iniciada en Winchester, que se estendeu por Canterbury e varios mosteiros meridionais nos ss X e XI. Caracterízase polos trazos incisivos e audaces, pola suntuosidade da ornamentación e polo enmarcado con follas de acanto. lang=EN-GB mso-ansi-language:EN-GB >A súa obra mestra é The Benedictional of St Aethelwold (963?-984).

Estrela cun espectro que presenta liñas de emisión moi brillantes, que corresponden ao helio neutro e ionizado, así como tamén a outros elementos (N, O, Si, C) con ionización múltiple. Coñécense unhas 200, chamadas tamén estrelas W. A máis brillante é o astro γ-Velorum, que pertence á segunda magnitude. Presentan unha luminosidade absoluta da orde de -5.