"Ea" (Contén)

MUNICIPIOS

Municipio da provincia de Jaén, Andalucía, situado nas cordilleiras Béticas, preto da confluencia do Guadiana Menor co Guadalquivir (4.442 h [2001]). É unha zona de oliveiras. Destaca a cámara sepulcral do poboado ibérico de Toya (ss V e IV a C).

PERSOEIRO

Pintor. Impulsor da Academy of Fine Arts de Pennsylvania, destacou na representación de personaxes da historia estadounidense, como G. Washington ou B. Franklin.

1. Base ou pedestal de pouca altura que soporta unha estatua ou outro obxecto.

2. Tarima que hai diante do altar, arrimada a el.

PERSOEIRO

Matemático e lóxico italiano. Profesor en Turín, especializouse en lóxica matemática e creou a lóxica simbólica. Fixo unha exposición rigorosa da aritmética, da xeometría proxectiva, do cálculo infinitesimal e do vectorial. Inventou unha linguaxe artificial internacional, a interlingua.

ENCORO

Pantano creado coa construción dunha presa sobre o leito do río Miño, situado preto da confluencia dos ríos Bubal e Sil, na parroquia dos Peares (A Peroxa). Abrangue unha superficie de 495,50 ha e foi construído por FENOSA para a explotación dunha central hidroeléctrica cunha potencia superior aos 10 MW. Acolle un volume de 182 Hm3 de auga. Inaugurouse en 1955.

PARROQUIA

Parroquia do concello da Peroxa baixo a advocación de Nosa Señora do Pilar.

PERSOEIRO

Tenor e organista inglés. Comezou os seus estudos de órgano en Oxford e formouse como cantante no Royal College of Music (1933-1934). Colaborou estreitamente con B. Britten, con quen estreou numerosas obras. Foi tamén un notable intérprete de Schubert e Bach, e destacou no lied e no oratorio. Recibiu o título de sir en 1978.

PERSOEIRO

Escritor, educador e político. Coñecido, en irlandés, como Padraig Mac Piarais, organizou a New Ireland Society (1897) e estivo ligado á Gaelic League, onde dirixiu (1903-1909) o seu órgano de expresión, Claidheamh Soluis. En 1908 fundou o St. Enda’s College (Scoil Eanna) para intentar potenciar o irlandés como lingua de cultura mediante métodos pedagóxicos modernos. Foi comandante en xefe do exército durante a rebelión de 1916 e presidente do goberno provisional da República de Irlanda, pero foi executado na prisión de Kilmainham. Escribiu obras de teatro e poemas, e publicou varios contos extraídos dos antigos manuscritos irlandeses. Moitas das súas obras foron recompiladas en Collected Works (2 vol, 1917-1918).

PERSOEIRO

Matemático, estatístico e filósofo. Interesouse pola aplicación dos métodos matemáticos e estatísticos da bioloxía e, en 1902, fundou a revista Biometrika. Está considerado como un dos fundadores da estatística moderna e, como filósofo, un precursor do neopositivismo. Escribiu The Grammar of Science (1892).

PERSOEIRO

Estadista. Embaixador en EE UU (1945-1946), subsecretario e ministro de Asuntos Exteriores (1948-1957), foi xefe do Liberal Party (1958-1963) e primeiro ministro (1963-1967). Recibiu o Premio Nobel da Paz (1957).

PERSOEIRO

Mariño e explorador. Comprobou a insularidade de Groenlandia e en 1909 descubriu o Polo Norte. Escribiu Northward over the Great Ice (1898) e The North Pole: Its Discovery in 1909 (1910).

1. Persoa que vai a pé.

2. Obreiro que realiza traballos non especializados, ou que fai de axudante dun oficial, xeralmente na albanelería ou nos traballos do campo.

3. Persoa que está ás ordes doutra.

4. 1. Cada unha das 16 pezas do xogo do xadrez, 8 brancas e 8 negras, que ao comezar a partida están situadas na segunda liña. Só se poden mover cara a adiante un cadro, e sempre pola mesma columna, agás cando matan, que o fan en diagonal. Cando un peón chega á oitava liña, pode ser convertido en calquera outra peza, menos en rei.

   2. Cada unha das 24 pezas, 12 brancas e 12 negras, do xogo das damas.

5. Soldado de infantaría que combatía a pé.

6. buxaina.

7. piarda.

8. arxentina.

1. Relativo ou pertencente ao pobo peón.

2. Individuo do pobo peón.

3. Pobo de Macedonia que se refuxiou nos altos vales do Vardar. Foron dominados polos persas e contra o 360 a C invadiron Macedonia e conseguiron unha certa autonomía. Pasaron ao poder dos romanos despois de ser vencidos por Lisímaco.