"eo" (Contén)

PERSOEIRO

Director de orquestra francés. Discípulo de A. Cluytens, foi director dos teatros da ópera de Marseille (1948), Lille e Toulouse (1946-1955). Trasladouse posteriormente a París e foi nomeado director estable da Opéra Comique (1955-1959) e do Théâtre Nacional de l’Opéra (1970-1971).

PERSOEIRO

Soprano. Cunha gran capacidade para a dramatización, posúe unha voz escura e ampla. En 1959 debutou no Covent Garden de Londres e en 1962 na Scala de Milán. Acadou sona internacional coa ópera Porgy and Bess (1952), de Gershwin, convertendose na primeira soprano afroamericana en triunfar nos escenarios operísticos de todo o mundo. Retirouse en 1990 no Metropolitan Opera de Nova York.

1. Relativo ou pertencente ás primuláceas.

2. Planta da familia das primuláceas.

3. Familia de primulais formada por plantas herbáceas, de follas simples basais e regulares, hipóxinas e pentámeras, e froitos capsulares. Son propias das rexións holárticas.

1. Relativo ou pertencente aos proboscídeos.

2. Mamífero da orde dos proboscídeos.

3. Orde de mamíferos que comprende animais de gran volume, coas extremidades alongadas e robustas, e cinco dedos unidos por unha membrana para formar unha base sólida, provistos de pequenos pezuños. Presentan unha longa trompa olfactiva e prénsil, formada pola fusión do nariz e o labio superior. Os seus incisivos superiores forman unhas longas defensas que medran continuamente e poden alcanzar ata 3,5 m de lonxitude. A súa pel é grosa e con pouco pelo e son de réxime herbívoro. Pertencen a esta orde o elefante de sabana (Loxodonta africana) e o elefante asiático (Elephas maximus).

PERSOEIRO

Gramático e escritor. É autor de diversas obras novelísticas, como Os amores de Rodante e Dosicles e A batalla dos ratos e o gato, ademais de diálogos imitados de Luciano e das composicións poéticas coñecidas como poesías prodrómicas, sátiras que dan testemuño dos costumes da época.

PERSOEIRO

Teólogo e escritor ucraíno. Ortodoxo, foi nomeado bispo (1708) e converteuse no brazo dereito da reforma de Pedro I de Rusia. Elaborou o Regulamento eclesiástico (1721), polo que o patriarcado foi substituído polo sínodo, como órgano de administración suxeito ao tsar. Escribiu tamén un curso de Poética.

1. Estancia que na palestra grega precede ao baño quente.

2. Dependencia destinada a quentar auga.

1. Relativo ou pertencente ás proteáceas.

2. Planta da familia das proteáceas.

3. Familia de árbores ou arbustos, da orde das proteais, con follas simples e duras,hermafroditas ou unisexuais, e froito disposto en drupa.