"An" (Contén)

Xénero de bolboretas asiáticas da familia dos satúrnidos que presentan un ocelo en cada á. Son produtoras de seda que se emprega na fabricación do tecido chamado tusor.

Xénero de peixes teleósteos da familia dos serránidos ao que pertence o peixe rei.

Xénero de herbáceas da familia das escrofulariáceas ao que pertence a herba becerra.

Xénero de insectos coleópteros da familia dos curculiónidos. As larvas desenvólvense nos abrochos florais de algunhas plantas de interese económico como a maceira, a pereira ou o algodón.

Xénero de herbáceas da familia das gramíneas ao que pertence a lesta.

Xénero de coleópteros da familia dos derméstidos, que teñen o corpo recuberto de escamas que forman debuxos. Tanto as larvas como os adultos se alimentan de materia animal seca (peles, plumas, etc) e son coñecidos por afectar as coleccións biolóxicas dos museos.

Xénero de herbáceas da familia das umbelíferas ao que pertence o pirixel bravo.

Revista cultural e científica aparecida en abril de 1981 e subtitulada “Revista de documentación científica de la cultura”. Dirixida por Jordi Domènech e Ramón Gabarrós, colaboraban nela: Ricardo Gullón, Alarcos Llorach, Benedetti, M. Zambrano, Antón Risco e outros intelectuais. O seu número 65 (outubro de 1986) dedicouse ás diversas facetas de Castelao con artigos de Basilio Losada, Isaac Díaz Pardo, Claudio Rodríguez Fer, Ramón Piñeiro, Siro López, Fernández del Riego, Lourenzo Fernández Prieto e Xavier Costa Clavell. Aparecían tamén informacións sobre museos, fundacións e organismos culturais de Galicia. No número 66-67 (novembro-decembro 1986) escribíronse artigos en homenaxe a Torrente Ballester. No primeiro número da serie “Documentos A” o protagonista é Rafael Dieste, mentres que no número 154-155 (marzo-abril de 1994) aparecen artigos de Ramiro Fonte sobre a literatura fantástica galega. Amais destas referencias, aparecen outros artigos sobre escritores portugueses como Fernando...

Xénero de plantas tropicais americanas da familia das aráceas, que comprende máis de medio millar de especies herbáceas ou gabeadoras, algunhas das cales son cultivadas como plantas ornamentais pola beleza das súas follas ou das súas espatas de cores vivas.

Xénero de aves da familia dos motacílidos ao que pertencen as picas.

Xénero de herbas ou arbustos da familia das fabáceas con flores en inflorescencias mestas e arredondadas e follas imparipinnadas. En Galicia están presentes dúas especies en ambientes secos: A. gerardii, con flores rosadas, e A. vulneraria, con flores amarelas.

Prefixo de orixe grega que, adxunto a un substantivo ou adxectivo, denota oposición, hostilidade, protección contra algo ou inversión do sentido.

Liga Anti-Lei do Cereal.

Nome co que se coñece a obra de Engels Anti-Dühring: Hern Eugens Dührings Umwälzung der Wissenschaft (Anti-Dühring ou a revolución da ciencia de Uxío Dühring: introdución ao estudo do socialismo), que comprende os artigos publicados entre 1877 e 1878 polo autor. Nesta obra expóñense de xeito sistemático os fundamentos do socialismo científico e aplícase esta doutrina ao maior número de campos. Na parte filosófica, analiza a relación entre o ser e o pensamento, apoiándose nos logros científicos da bioloxía, a física ou as ciencias en xeral. Na parte económica, expón as teorías de Marx sobre o traballo, a mercancía, o valor, etc. Na última parte, explica as diferencias entre socialismo utópico e socialismo científico, constituíndo unha verdadeira introdución doutrinal ao socialismo.

Dise dos vestidos ( vestido anti-g), dispositivos, etc, que serven para contrarrestar os efectos das aceleracións fortes.

Antropónimo feminino procedente do grego Anthía ‘florida ou extraída das flores’, e este derivado de anthos ( ἄ ν ϴ ος ‘flor’). Referíase ao primeiro panal de mel que fabrican as abellas; isto é, á antena, entena ou favo. Algúns investigadores afirman que este nome grego chegou xa a Roma como nome de escravas orientais, inda que logo foi paseniñamente converténdose en nome de libertas e mulleres libres.