"Anda" (Contén)

Cornielles de Holanda.

Conflito suscitado por Francia contra as Provincias Unidas (1672-1678) por causa do seu crecente pulo económico e das consecuencias da Guerra de Devolución. Luís XIV tras aumentar as súas taxas aduaneiras (1667), buscou a alianza con Inglaterra, Portugal, Savoia, Baviera e Suecia para ocupar Lorena (1670) e atacar as Provincias Unidas (1672). Os holandeses, ante os ataques dos exércitos franceses, buscaron o apoio da coroa hispánica, do Sacro Imperio e de Dinamarca e nomearon a Guillerme III de Inglaterra stadhouder de Holanda. Non obstante , a retirada do conflito de Inglaterra (1674) e a derrota dos exércitos suecos (1675) obrigaron a Luís XIV a iniciar as conversacións que culminaron coa Paz de Nimega (1678).

Entidade que se encarga de establecer estándares nas novas tecnoloxías relacionadas coas telecomunicacións para que se poidan empregar sen problemas en todos os países europeos.

Organización non gobernamental, con sede en Xenebra, dedicada ao desenvolvemento de normas que faciliten o intercambio mundial de servicios e mercadorías.

Número asignado a cada libro publicado ou a unha nova edición e que o identifica dunha forma exacta en todo o ámbito internacional. Emprégase tanto en biblioteconomía como comercialmente, e está formado por dez números divididos en catro grupos. Os tres primeiros indican o país, a editorial e a edición, e o cuarto é un identificador especial.

Número de identificación unívoco para as publicacións periódicas, aceptado internacionalmente. Está formado por oito díxitos.

Antropónimo feminino de etimoloxía incerta, suponse que deriva do nome do franco-provenzal antigo Yolant, Yolans e Yolande, forma medieval de Violante que, á súa vez, deriva do latín Viola ‘violeta’. Para outros, a orixe é netamente xermánica, quizais composto de -lind ou      -linta ‘escudo’. Atribúeselle o significado de “cor da violeta”. Tamén se considera unha variante de Helena. Santa Iolanda (s XIII), filla do conde de Veanden (Polonia), da orde das dominicanas de Marienthal, celébrase o 28 de decembro.

Mar de Europa que separa as illas de Gran Bretaña e Irlanda e que se comunica co Océano Atlántico polos canais do Norte e de San Xurxo.

Revista editada en Caracas a partir de marzo de 1965. Subtitulouse “Boletín mensual de la Hermandad Gallega”. Dirixiuna inicialmente Celso E. Ferreiro, que en 1968 foi substituído por Gabriel Arcos. Voceira da Hermandad Gallega venezolana -que integraba o Centro Galego, a Casa de Galicia e o Lar Galego-, contou coa colaboración de destacados escritores galegos. Entre finais de 1970 e 1976 atravesou unha segunda etapa, que se interrompeu ata 1983, ano en que saíu como “Revista trimestral da Irmandade Galega de Venezuela”.

Galardóns outorgados pola Federación de Libreiros de Galicia, nos que se recoñece o labor realizado en favor do libro, a lectura e a cultura galega. Anualmente distínguense diferentes premios dirixidos ao autor, ao mellor libro galego, a un centro de ensino, a un medio de comunicación e a un libreiro.

Agrupación galeguista fundada en Bos Aires en 1941. Inspirada por Castelao, levou a cabo actividades de tipo cultural e político en defensa da lingua galega durante os seus trinta e dous anos de existencia, nos que estivo presidida por persoeiros como Alonso Ríos, Rey Baltar e Ricardo Flores. Participou na fundación do Consello de Galicia en Montevideo e pediulle á ONU a condena do goberno franquista (1946) e levou a cabo unha campaña contra o emprego da bandeira monárquica nos centros galegos (1948). Organizou numerosas conferencias, exposicións de pinturas e colaborou coa Intersocietaria Gallega e con A Nosa Terra.

Nome que adoptou un sector das Irmandades da Fala, dirixido por Vicente Risco na IV Asemblea Nacionalista de Monforte de Lemos (1922). Publicou o boletín Rexurdimento.

Federación que reuniu as irmandades locais e comarcais do Reino de Galicia establecida en 1467. Aprobada e ordenada polo Rei Enrique IV de Castela, estaba integrada polos alcaldes, deputados ou procuradores e cuadrilleiros. Dirixiu a Segunda Guerra Irmandiña.

Asociación galeguista que naceu a partir dunha reunión celebrada nos salóns da Real Academia Galega na Coruña o 18 de maio de 1916, convocada por Antón Villar Ponte. Os seus antecedentes foron as actividades dun grupo de galegos residentes en Madrid, que promoveron a revista Estudios Gallegos, e a publicación de Nacionalismo gallego: nuestra afirmación regional (1906), de Antón Villar Ponte, na que chamaba á creación dunha organización que defendese a lingua galega e o espallamento do seu uso. A esta primeira reunión asistiron Ramón Villar Ponte, Manuel Lugrís Freire, César Vaamonde, Uxío Carré Aldao, Luís Porteiro Garea, Rodrigo Sanz López e Francisco Tettamancy, entre outros. Nela aprobáronse uns estatutos nos que se sinalaban dous órganos de goberno colexiados, a Xunta Xeral e o Consello, e elixiuse como primeiro conselleiro a Antón Villar Ponte. Pouco despois, o 28 de maio, fundouse a Irmandade de Santiago de Compostela baixo a dirección de Luís Porteiro Garea e na que xa se...

Associação Cultural de Língua, Literatura e Cultura Lusófonas-Irmandades da Fala da Galiza e Portugal.