"qu" (Contén)

Xénero de herbáceas da familia das ranunculáceas ao que pertencen os paxariños.

Antiga cidade etrusca situada ao S da actual Florencia.

Nome derivado, ao igual que Aquiles, do grego Akilleus (Ảχιλλεύς). Aquileo é o nome dun antigo militar romano quen, como consecuencia de se converter ao Cristianismo, foi martirizado en tempos de Diocleciano.

Antropónimo procedente do grego Akilleus (Ảχιλλεύς), que chegou a nós a través do latín Achilles. É un nome de longa tradición en Grecia, quizais a pegada dalgunha lingua pregrega e, xa que logo, cunha etimoloxía difícil de clarificar. O poema épico de Homero a Ilíada desenvolve como tema central a cólera do heroe grego Aquiles, o dos pés lixeiros, quen despois de loitar contra os troianos morre no campo de batalla ao ser alcanzado no calcañar por unha frecha. A raíz deste feito fíxose moi sonada a expresión o “calcañar de Aquiles” para referirse ao único punto vulnerable do heroe aqueo. A festividade de santo Aquiles, mártir en Roma, celébrase o 12 de maio.

Heroe mítico da Guerra de Troia, tamén chamado Aquileo, fillo de Peleo e da deusa Tetis. Rei dos mirmidóns, na cidade de Tesalia, marchou cos seus súbditos á Guerra de Troia. Enfrontado con Agamemnon, xefe da expedición aquea, pola posesión da escrava Briseida, abandonou a loita e non regresou ata que o seu amigo Patroclo morreu en combate contra Héctor, o campión dos heroes troianos e fillo de Príamo, Rei de Troia. Por mor deste feito, Aquiles desafiou a Héctor a un combate singular no que conseguiu matalo, o que, segundo a profecía que o propio Aquiles coñecía, daría lugar á súa morte pouco despois. En efecto, o príncipe Paris, irmán de Héctor e raptor de Helena, muller de Menelao, irmán de Agamemnon (feito que disculpara o inicio da guerra dos gregos contra o estratéxico enclave troiano), matouno disparándolle unha frecha ao calcañar, único punto vulnerable do heroe. A figura de Aquiles, eixe da historia que deu lugar á Ilíada de Homero, aparece en abundantes obras posteriores,...

Tendón do home, de inserción dos músculos posteriores da perna (xemelgos e sóleos) no calcaño. A súa rotura causa a imposibilidade de estender voluntariamente o pé.

Ausencia de zume gástrico (aclorhidria) ou escasa presenza de ácido clorhídrico (hipoclorhidria) que produce trastornos na dixestión e diarreas.

Estipulación establecida por Caio Aquilio Galo segundo a cal as partes contratantes realizaban un anovamento (anovatio) que substituía, por medio dunha obrigación verbal, tanto as relacións obrigatorias existentes entre as partes como calquera outra relación que estas se propuxeran alterar.

Lei votada en Roma a instancias do tribuno Lucio Aquilio (s III a C) que inicia o regulamento do sistema de indemnización dos danos ocasionados tanto ás cousas animadas -escravos, animais- como ás inanimadas dun particular.

Portaestandarte do exército romano que levaba a insignia nunha lexión, esta adoitaba conter a representación dunha aguia, animal sacro de Xúpiter, como símbolo da autoridade imperial, así como a sigla SPQR (Senatus Populusque Romanorum, O Senado e o Pobo dos Romanos) como expresión de onde proviña o poder que ao estamento militar se lle confería, e a quen había servir.

Antropónimo procedente do latín Aquilinus ‘que ten a natureza da aguia’. Este é un dos nomes que expresan a admiración polas calidades que teñen certos animais; non en balde, a aguia era o animal sagrado de Xúpiter. Non obstante , podería tratarse tamén nalgún caso da adxectivación do nome de Aquiles, equivalendo a “da familia de Aquiles”. É probable que deste nome derive o topónimo Aguiño, posto que xa na Idade Media aparece documentada a forma Aguiiño. Santo Aquilino (s VII), bispo de Evreux (Francia) e patrón da abadía de Cluny, ten varias celebracións: o 4 de xaneiro, o 29 de xaneiro, o 4 de febreiro, o 16 de maio, o 17 de maio e o 19 de outubro. A forma familiar de Aquilina é Cuqui.

Forma do demostrativo de xénero neutro e número singular. As formas neutras non teñen variación de número e só poden funcionar como substantivos, é dicir, como núcleo dunha frase nominal (