"Vas" (Contén)

PERSOEIRO

Trobador portugués. De orixe xudía, estivo activo na corte de don Denís, a mediados do s XIV. Consérvanse fragmentos de dúas cantigas de amor que, pola súa temática, métrica e estilo, poden considerarse de introdución tardía nos cancioneiros trobadorescos. Destaca a cantiga “Moyr’, e faço dereyto”.

GALICIA

Cantante. Coñecida como Pili Pampín, editou os discos As Palilleiras (1991), Miña Galicia (1992), Canto para ti (1993), Galicia Sempre (1994), Gratitud (1996) ou Noites de festa (1998).

PERSOEIRO

Economista ruso. Ideólogo do populismo liberal, postulou a imposibilidade do desenvolvemento do capitalismo en Rusia, debido á falta de mercados exteriores e, polo tanto, pola imposibilidade de obter unha certa plusvalía. Era partidario da pequena produción e do pequeno comercio, e idealizou a obščina labrega.

PERSOEIRO

Director de ballet. Coñecido como coronel Wassili de Basil, en 1932 formou a compañía dos Ballets Rusos de Montecarlo, xunto con René Blum. En 1936 abandonou Montecarlo e a súa compañía tomou o nome de Ballets Russes du Colonel de Basil (1936-1939) e o de Original Ballet Russe (1940-1947).

PERSOEIRO

Mártir, irmán xemelgo de san Protasio e fillo de san Vidal e santa Valeira. Xunto co seu irmán, vendeu os seus bens e distribuíunos entre os pobres. Convertidos, morreron en tempos de Nerón. Santo Ambrosio atopou os seus corpos en 386. Represéntase co flaxelo e a espada. A súa festividade celébrase o 19 de xuño.

PERSOEIRO

Escultor. Foi un dos introdutores do Renacemento na Península Ibérica. Traballou no retablo maior da catedral de Ávila (1508) e realizou monumentos funerarios, entre eles, o de Alonso de Madrigal (1518), coñecido como El Tostado, na mesma catedral.

PERSOEIRO

Militar e político grego. Participou nos diversos pronunciamentos militares entre 1922 e 1926. Durante a Segunda Guerra Mundial fundou e dirixiu o EDES e despois ELAS. Reincorporado ao exército cos seus homes durante o goberno de Tsaldaris (1946), fundou o partido nacionalista e, xa reinstaurada a monarquía de Xurxo II, foi ministro de Interior (1947) e de Obras Públicas (1950-1952).