"Bo" (Contén)

PERSOEIRO

Infanta de España e duquesa de Montpensier, filla do Rei Fernando VII e de María Cristina das Dúas Sicilias. Casou en 1846 con Antón de Orléans, duque de Montpensier, fillo do Rei Luís Filipe I de Francia. En 1868 foi expulsada, co seu marido, por conspirar contra a súa irmá, a Raíña Isabel II.

PERSOEIRO

Infanta de España e princesa das Dúas Sicilias, condesa de Barcelona, filla do infante Carlos de Borbón Borbón e Luísa de Orléans. Casou en 1935 en Roma con Xoán de Borbón e Battenberg. Viviu no exilio en Roma, Cannes, Lausanne e Estoril. Foi nai do Rei Xoán Carlos I.

CIDADES

Cidade de Eslovenia, situada a ambas as dúas beiras do Drave, preto da fronteira austríaca (92.284 h [2002]). As principais actividades económicas son as industrias metalúrxica, téxtil e conserveira. Desde o s XII ata 1919, ano en que se integrou en Iugoslavia, foi capital da Baixa Estiria.

PERSOEIRO

Rei dos marcomanos. Foi educado en Roma na corte de Augusto, e ao voltar á súa patria, conduciu o seu pobo de Xermania a Bohemia, onde construíu un grande imperio xermánico con finalidades antirromanas. Posteriormente entrou en litixio con Arminio e foi derrotado. Refuxiado en Italia, foi confinado en Ravenna.

PERSOEIRO

Escritor. Evolucionou de posturas testemuñais cara á preocupación formal, tendo sempre como marco das súas obras os ambientes barceloneses da década de 1950. Colabador asiduo co mundo do cine e da música, da súa produción destacan Últimas tardes con Teresa (Premio Biblioteca Breve 1965), levada ao cine en 1984 por G. Herralde; Si te dicen que caí (1973, Premio Internacional de Novela), La muchacha de las bragas de oro (Premio Planeta 1978), levada ao cine por V. Aranda en 1980; Ronda del Guinardó (1984), El amante bilingüe (1990, Premio Ateneo de Sevilla), El embrujo de Shanghai (1993, Premio de la Crítica e Premio Europa de Literatura 1994), levada ao cine por Fernando Trueba; Las mujeres de Juanito Mares (1997) e Rabos de lagartija (2000, Premio de la Crítica 2001), así como o volume antolóxico de relatos Cuentos Completos (2002). Recibiu o Premio Nacional de Narrativa (2001).

PERSOEIRO

Compositor checo. Realizou obras na liña de Dvořák e dos impresionistas franceses, e frecuentou o grupo dos Seis. Deixou compostas unhas 400 obras de todos os xéneros instrumentais, vocais e teatrais, como La bagarre (1927) e Rhapsody concerto (1953). Da súa produción destacan óperas, como Julietta (1938) e Griechische Passion (A paixón grega, 1961) composicións radiofónicas e televisivas, sinfonías e bandas sonoras para películas.

GALICIA

Fotógrafo e escritor. Especializouse en temas relacionados coa historia colombina e coa arqueoloxía galega. Colaborador de diversas publicacións, como Vida Gallega, La Noche e Vieiros, escribiu Retrouso a Colón (1960) e Romance ao lobo gris. Recibiu o primeiro premio no Concurso Popular de Fotografía da Agrupación Fotográfica Gallega (1961).

PARROQUIA

Parroquia do concello da Estrada baixo a advocación de santa Baia.

GALICIA

Profesor e escritor. Foi coordinador de galego da Dirección Xeral de Política Lingüística. Publicou Vocabulario galego de Formación Profesional (1984), Lugo e a lírica medieval galego-portuguesa (1985), Escolma poético musical galega (1989) e Lingua e publicidade (1994). Ademais tamén colaborou nos volumes colectivos Lugo e a lírica medieval galego portuguesa (1985) e Poemas e contos da muralla (2001). Recibiu o Premio Buril das Letras Galegas (1986), o Premio Grugalma de   Artigos (1990) e o Premio Rosalía de Castro (1993).

CABOS

Cabo de Taínaron.

PERSOEIRO

Filla de Xerome Bonaparte e sobriña de Napoleón. Casou (1841) co príncipe ruso Anatolio Demidov. Durante a Segundo Imperio (1868-1870) tivo en París un activo salón artístico e literario.

PERSOEIRO

Político e economista sudafricano. Loitou contra o apartheid. Foi presidente do Congreso Nacional Africano (CNA) desde 1993, vicepresidente da República (1994-1999) e presidente da República Sudafricana, desde 1999, cando sucedeu a N. Mandela. En xullo de 2002 foi elixido como primeiro presidente da Unión Africana (UA).

MONTES

Monte situado na parroquia do Viveiró (Muras). O seu cumio acada os 860 m de altitude.