"Oti" (Contén)

1. Tipo de imprenta en que se fundían dúas ou máis letras para simplificar a composición.

2. Símbolo gráfico que serve de emblema a unha empresa, marca comercial, organización ou campaña publicitaria.

IGREXAS

Igrexa situada en Panxón (Nigrán). Foi proxectada por Antonio Palacios e construída entre 1932 e 1937. O seu estilo toma referencias da arte gótica e románica, pero cun xeito completamente libre. Ten planta cruciforme, con bóveda de crucería de estilo califal. No exterior destacan as celosías de formigón, que pechan os vans, e a torre, rematada con catro anxos custodios orientados cara aos puntos cardinais.

PERSOEIRO

Escritor e político. Fundou o movemento monárquico L’Action Française e dirixiu a revista e o diario do mesmo nome. Foi favorable á evolución dos nacionalismos e anticipou algúns axiomas do fascismo. Escribiu L’avenir de intelligence (1905), Enquête sur la monarchie (1900-1909), La Musique intérieure (1925) e Romanticisme et révolution (1925).

1. Relativo ou pertencente aos micrótinos.

2. Mamífero roedor da familia dos micrótinos.

3. Subfamilia de mamíferos, da orde dos roedores, formada por ratos que se caracterizan polo feito de ter unha forte arcada cigomática, molares de crecemento continuo formados por dúas series alternas de prismas triangulares e incisivos inferiores situados en alvéolos moi profundos. A esta familia pertencen as cortas.

PERSOEIRO

Emperador de Oriente (1056-1057). Designado polo emperador, sucedeu a Teodora no trono imperial. Tivo que enfrontarse a unha insurrección dirixida por Teodosio, presidente do Senado e, en África, á rebelión dunha parte do exército, que proclamou emperador a Isaac I Comneno. Ao ver que as súas tropas leais eran derrotadas en Nicea e que o pobo de Constantinopla o rexeitaba, abdicou (1057).

MUNICIPIOS

Municipio da provincia de Huelva, Andalucía, situado na cabeceira do río Tinto (4.621 h [2001]). O nome provén das minas de pirita de ferro e cobre descubertas no 800 a C e explotadas polos romanos. Coñecidas por suecos e ingleses, no s XIX eran as primeiras produtoras mundiais de cobre, en 1954 foron adquiridas pola banca española e no seu contorno creouse un complexo metalúrxico e químico.

1. Relativo ou pertencente á miose.

2. Que ou quen está afectado de miose.

3. Aplícase ao fármaco que provoca miose.

1. Relativo ou pertencente aos momótidos.

2. Ave da familia dos momótidos.

3. Familia de aves, da orde dos coraciformes, de 17 a 47 cm, que teñen o bico lixeiramente curvo e cos bordos dentados. Son insectívoras e fruxívoras, e habitan no S de México, en América Central e na zona tropical de América do Sur.