"Mos" (Contén)

GALICIA

Xornalista e escritor. Coñecido como Luis Mosquera ou Luis Spiegel, ocupou diversos cargos directivos en entidades bancarias e foi xefe de prensa do BBV. Deportista federado, foi presidente da Federación Galega de Hockey e da de Tenis de Mesa. Traballou en Radio Coruña-SER, La Voz de Galicia, El Mundo (Caracas), The Lion (EE UU) ou El Ideal Gallego. Director da Axencia Galega de Noticias, exerceu tamén como director da axencia de noticias Galicia Press. Como correspondente cubriu os principais acontecementos deportivos. Publicou La Magia Celta, Esoterismo y Mística, Astrología y Horóscopos ou Marianismo en Galicia: Fe, tradición, Esoterismo y Folclore. Presidente do congreso de Maxia e Bruxería de Galicia, é membro da Enxebre Orde da Vieira.

RIOS

Río de Rusia, da rexión de Moscova, afluente pola esquerda do Oka (502 km de lonxitude). Nace no altiplano de Moscova, atravesa a cidade e desemboca no Oka en Kolomna. Está unido ao Volga mediante o canal de Moskva.

PERSOEIRO

Político. Fundou (1932) a British Union of Fascist (BUF) e provocou disturbios proalemáns. Isto fixo que o goberno británico o recluíse (1940-1943) e que disolvese a BUF.

PERSOEIRO

Escritor. Iniciou unha serie de novelas relacionadas coa investigación criminal en que o seu protagonista, Easy Rawlings, afronta a dureza da realidade con certa resignación. Publicou A Red Death (1991), Black Betty (1994) e Gone Fishin s (1997). En 1999 editou Walkin the Dog, protagonizada polo detective Socrates Fortlow, e coa que deu comezo a unha nova saga, e en 2002 Futureland.

MONTES

Monte situado na parroquia de Folgoso (Cerdedo). O seu cumio acada os 558 m de altitude.

GALICIA

Mariño. Capitán da Mariña Mercante, oficial da Reserva Naval Española e subdelegado marítimo de Pesca en Sevilla, Ribeira e A Coruña (1933-1936). Técnico pesqueiro na secretaría de Agricultura, Industria y Trabajo de la República Dominicana e do Ministerio de Agricultura y Cría de Caracas (1941), foi membro da Sociedad Venezolana de Ciencias Naturales e do American Museum of Natural History. Publicou Biología de la merluza. Sus variedades étnicas y sexuales. Su pesca, Los clupeidos. Clupea. La sardina. Sus variedades étnicas y sexuales. Su pesca. Su industrialización (1945), Las tortugas del Orinoco (1945) e La cuna gallega de Cristóbal Colón (1961).

MONTES

Monte situado na parroquia de Saa (Dozón). O seu cumio acada os 792 m de altitude.

1. Trampa para capturar moscas ou outros insectos voadores, xeralmente consiste nunha tira graxenta na que quedan pegados ou nun recipiente con líquidos que os atraen.

2. Utensilio para matar moscas.

3. Lugar pragado de moscas.

MONTES

Monte situado no extremo SO da parroquia do Burgo (Muras). O seu cumio acada os 600 m de altitude.

AFLUENTES

Afluente pola esquerda do río Eume que nace e desemboca na parroquia do Burgo (Muras).

GALICIA

Xornalista, produtora e realizadora cinematográfica. Licenciouse en Interpretación na Real Escuela Superior de Arte Dramático de Madrid e realizou moitos traballos como guionista e responsable de programas de televisión de Canal +, como La noche +   corta ou Especial Piezas. Tamén dirixiu curtametraxes, como a comedia A todo tren (1995), e participou como guionista de Planeta extraño (1997), onde tamén actuou. No filme Amores (1994) rodou o capítulo “Sopa de cucarachas”.

GALICIA

Debuxante e humorista. Coñecida como Sex, foi unha das primeiras mulleres que realizou humor gráfico en xornais e publicacións en España. Destacan as súas colaboracións en La Voz de Galicia e a creación do seu personaxe “Sir Ope de Buxo”.

PERSOEIRO

Poeta. Dirixiu La Unión (1886) e foi redactor de El Ciclón (1899), de Pontevedra. Obtivo diversos premios en certames rexionais, un deles pola poesía costumista Os feitizos y-os meigallos.

GALICIA

Político e escritor, fillo de Tomé María Mosquera García. Foi deputado polo Carballiño en 1886. Publicou diversos poemas no xornal El Heraldo Gallego, entre os que destacan “Anacreóntica al uso”, “El conde Fullero” e “La calabaza”. En 1884 estrenou o monólogo dramático Antes del baile.

GALICIA

Pintor. De raíces expresionistas, comezou a utilizar materiais non pitóricos e evolucionou cara á composición de instalacións. Nelas, recreou a escenografía das paisaxes e comezou a búsqueda da cor e utilización de materiais ensamblados. Realizou tamén carpetas de gravados, ensamblaxes e caixas-colaxe, obras derivadas do construtivismo. En 1980 fundou, xunto a Ignacio Basallo, a primeira asociación sindical de artistas plásticos de Galicia. Da súa obra destaca Vela (1982), Pozzu Cangiari’na testa no tutti i testi (1990) e a serie A Revolta.

GALICIA

Político e avogado. Foi deputado (1869-1873), senador (1881-1882) e ministro de Ultramar (1871-1873), de Graza e Xustiza (1871) e de Fomento (1874). Desde 1883 foi senador vitalicio e formou parte do Consello do Estado desde 1888. Firmou o proxecto de lei que aboliu a escravitude en Puerto Rico. Defensor da democracia e partidario do sufraxio universal, interesouse pola lei hipotecaria.

GALICIA

Pintor. Comezou a súa formación da man de Román Navarro e en 1920 trasladouse a Madrid onde acadou unha praza no corpo técnico de Aduanas do Estado español. Alí coñeceu o ambiente artístico e en 1927 realizou a súa primeira viaxe a París, onde coñeceu a pintura máis vangardista. De volta a Madrid participou nos certames oficiais e obtivo a terceira medalla da Exposición Nacional de 1941 por Desnudos, a segunda medalla na mostra de 1943 por Desnudo e a primeira medalla en 1945 por Disfraces. Foi profesor na Escuela de Bellas Artes de Madrid e pertenceu á Junta de Valoración de Importación e Exportación de Obras de Arte do Museo del Prado. Cultivou o bodegón, o nu e a paisaxe e destacou como retratista. Os seus retratos amosan, en ocasións, unha composición clásica e, noutras, unha estrutura máis dinámica. Neles acadou a personalidade do retratado, personaxes procedentes do mundo da ciencia e da cultura e do seu ámbito familiar e persoal. Destacan os de María...